Vigo recibe 700.000 euros de fondos europeos para a humanización da rúa Romil
O Concello financiará boa parte da humanización de Romil con fondos Next Generation EU, dado que vén de recibir outros 700.000 euros. Deste xeito, o proxecto prevé a rexeneración e o acondicionamento do espazo urbano, mellorando a mobilidade peonil, entre outras melloras.
![Arquivo: o alcalde no inicio da obra](https://xornal.vigo.org/storage/images/opt/STmt7taLbRXsPGRjbmCa5GU48IXaA7RBhqJBUDZM.jpeg)
O alcalde deu conta esta mañá da resolución provisional da concesión de subvencións para realizar accións destinadas á promoción de estilos de vida saudables. O Concello recibirá 700.000 euros de Fondos Europeos Next Generation EU para cofinanciar o proxecto de humanización da rúa Romil.
Tal e como detallou, o importe total da obra elévase a 1.255.000 euros, que servirán para rexenerar e acondicionar o espazo urbano, mellorar a mobilidade peonil ou eliminar obstáculos para favorecer a accesibilidade. Seguindo co que se está a facer no resto da cidade, esta actuación reducirá o ruído e mellorará a calidade do aire.
Outro dos obxectivos é incrementar a seguridade dos peóns no contorno, nunha zona con equipacións públicas como un centro educativo educativo con 400 alumnos e unha instalación deportiva. Deste xeito, crearase un corredor peonil escolar.
![Arquivo: o alcalde no inicio da obra](https://xornal.vigo.org/storage/images/opt/STmt7taLbRXsPGRjbmCa5GU48IXaA7RBhqJBUDZM.jpeg)
![](https://xornal.vigo.org/storage/images/opt/HE1zYDh2qPIJNM3S4ptKMZqr3xiyNdlZ78jgPkZr.jpeg)
![](https://xornal.vigo.org/storage/images/opt/RpGgXXTdFIT30x5iHWuDC8jxabw4W0BIbqyCum2z.jpeg)
![](https://xornal.vigo.org/storage/images/opt/t4AIqnr0b9m642KPOaY0nVl6FQOiH93YjyfhC8zo.jpeg)
![](https://xornal.vigo.org/storage/images/opt/v8Nb1xEonsxA7WzSW5jqYO8jljFCNpzpjTFS7a2h.jpeg)