A 12ª Edición de Retro Galicia celébrase o 11 e 12 de febreiro no IFEVI
O edil de Comercio, Ángel Rivas sinalou que “trátase dun evento para todos os públicos no que se poderá gozar de varias exposicións de coches e motos clásicas”.
![](https://xornal.vigo.org/storage/images/opt/a2iSf9ebX8yVLQW8iaonWj6Xbt0Z4YTixAC6wkS5.jpeg)
O Concello de Vigo albergou este mércores a presentación do XII Salón do Vehículo Clásico e de Época, a que acudiron José Enrique Elvira (xerente de Eventos do Motor), Ángel Rivas (edil de Comercio) e o xerente do IFEVI, Arsenio Prieto. Esta nova edición, que terá como eventos centrais especiais a homenaxe a unha parella de irmáns histórica para o automobilismo galego e español, Sergio e Diego Vallejo.
Os organizadores tamén destacan dentro da programación, a celebración dos 40 anos do Peugeot 205; os 110 anos de historia de Aston Martin ou o 75 aniversario dun dos modelos máis míticos de Porsche, o 356. Dende Eventos do Motor e o IFEVI, quixeron agradecer o papel que xoga o Concello de Vigo, dando apoio a feira de clásicos referencia no noroeste de España.
![](https://xornal.vigo.org/storage/images/opt/a2iSf9ebX8yVLQW8iaonWj6Xbt0Z4YTixAC6wkS5.jpeg)
![](https://xornal.vigo.org/storage/images/opt/tVlDa7laJzqXjB7lzWpvno0upeVFD5w8eG4i2UsZ.jpeg)