Vigo acolle o World Padel Tour coa participación das mellores pas desde deporte
Desde este luns e ata o próximo domingo, dispútase o Vigo Open 2022, a terceira proba da temporada do World Padel Tour, no Ifevi. O alcalde e a presidenta da Deputación presentaron o evento este luns no Pazo Quiñones de León.
![Momento da presentación celebrada no Pazo Quiñones de León](https://xornal.vigo.org/storage/images/opt/rxiMxCO8ECgasMmRSy8b21GmIsBbTPlAzG2hyf4I.jpeg)
Coa presenza de tres deportistas que participan no torneo: a portuguesa Ana Catarina Nogueira e os galegos Martín Piñeiro e Adrián Blanco Antelo, o alcalde destacou a “grande afección ao padel” que hai na cidade.
Para Caballero o World Padel Tour é “un evento de primeira magnitude” que “queremos que quede en Vigo e transmitir o deporte e a vida saudable. Para conseguir que o deporte chegue ao máximo nivel, temos que traballar desde a base”, afirmou.
Para a presidenta da Deputación, Carmela Silva, “é unha gran noticia” que a provincia acolla esta competición de alto nivel que ten “unha incidencia moi importante no turismo”. Ademais augurou que “imos gozar moitísimo durante toda esta semana co seu altísimo nivel”.
O Concello apoia o evento cunha axuda de 160.000 euros cos que, entre outros custos, se asume o pagamento do alugueiro do IFEVI, cifrado por enriba dos 60.000 euros.
![Momento da presentación celebrada no Pazo Quiñones de León](https://xornal.vigo.org/storage/images/opt/rxiMxCO8ECgasMmRSy8b21GmIsBbTPlAzG2hyf4I.jpeg)
![](https://xornal.vigo.org/storage/images/opt/IM9FoksOWJzoUKJPIgd8VBM5bXAYlt9o7Zjlc7Ph.jpeg)
![](https://xornal.vigo.org/storage/images/opt/k0LEAk4bAf7n5xt6MSaV1RhqSdO0j6pYJznXe4XM.jpeg)
![](https://xornal.vigo.org/storage/images/opt/G0dlEaZDTXGHMEMhwl9U04AbcyTO2TcjKUR7wv2Q.jpeg)