A historia do arquitecto Pacewicz xa se pode visitar en Vialia
alcalde inaugurou xunto a representantes do Colexio de Arquitectos a mostra informativa da obra do arquitecto Michel Pacewicz na cidade de Vigo.
No centro comercial Vialia xa se poden visitar os paneis informativos que explican a figura do arquitecto Michel Pacewicz na cidade de Vigo. Abel Caballero inaugurou xunto aos representantes do Colexio de Arquitectos a exposición que conta con texto e imaxe da obra ecléctica do protagonista.
A iniciativa conta cun orzamento de 14.000 euros para lembrar a figura dun profesional que desenvolveu en Vigo gran parte da súa carreira deixando obras tan emblemáticas como o edifico o Moderno, a Escola Municipal de Artes e Oficios, a Casa Yañez, as Casas de Oya ou a Casa Rosendo, entre outros moitos.
Michel Pacewicz naceu en Francia no 1843 e morreu en Vigo no 1921. Desenvolveu en Vigo os seus últimos 17 anos de actividade profesional.
