O Concello gaña un novo recurso contra o instrumento de ordenación provisional
O Tribunal Superior de Xustiza de Galicia acaba de comunicar ao Concello de Vigo unha sentenza que desestima un recurso interposto contra o instrumento de ordenación provisional aprobado polo Pleno do 24 de xullo de 2019.
![O alcalde, en rolda de prensa.](https://xornal.vigo.org/storage/images/opt/mXSJxO4ZryjbIDK4pcqlgp5Q6L6O2csErxje3VJI.jpeg)
O alcalde de Vigo, Abel Caballero, informou este venres de que o Tribunal Superior de Xustiza de Galicia (TSXG) comunicou ao Concello de Vigo a sentenza que desestima un recurso interposto contra o instrumento de ordenación provisional aprobado polo Pleno o 24 de xullo de 2019.
“A sentenza é totalmente favorable ao Concello, di que foi axustada a clasificación que facemos como solo urbano consolidado e considera contrario a dereito o recurso”, sinalou o rexedor. Caballero tamén indicou que xa se presentaron sete recursos contra a ordenación provisional e seis foron gañados polo Concello, mentres que un está por resolver.