O Concello dota de desfibriladores portátiles a unha ducia de coches da Policía Local
Debidamente sinalizados, doce vehículos da Policía Local contan xa con estes dispositivos semiautomáticos, ademais do dispoñible na Xefatura. O alcalde puxo en valor que o aparato guía a acción do axente e avanzou que 150 policías locais xa contan con formación para o seu uso.
Unha ducia de vehículos da Policía Local de Vigo contan xa cun desfibrilador semiautomático externo para uso dos axentes. Logo de coñecelos de primeira man este mércores xunto á tenente de alcalde e concelleira de Seguridade, Elena Espinosa, o alcalde, Abel Caballero, explicou que 150 axentes están formados para o manexo deste aparato.
Segundo revelou Caballero ante os medios, o desfibrilador semiautomático externo, unha vez activado, guía ao axente nos pasos a seguir para o seu correcto uso, determinando incluso o estado do corazón do paciente e indicando se é preciso continuar coas descargas. O rexedor enfatizou o seu carácter portátil, pois fai posible minimizar o tempo de reacción e atención ao paciente en toda a cidade.
Abel Caballero ofreceu datos das intervencións realizadas polos efectivos da Policía Local por infarto ou paradas cardiorrespiratorias. En 2018 foron 12 actuacións, con resultado de sete reanimados e cinco falecidos -todos eles homes de máis de 70 anos-, mentres que no primeiro semestre do presente ano se realizaron 10 actuacións con sete estabilizados no propio lugar e outros tres reanimados, sen lamentar falecementos.
A prestación de auxilio, engadiu o alcalde, é unha das funcións da Policía Local e, como media anual, o corpo realiza uns 1.500 servizos humanitarios. Neste capítulo englóbanse, ademais dos infartos, as caídas na vía pública, mareos, fracturas, esvaecementos...
Descargar todas as imaxes
Segundo revelou Caballero ante os medios, o desfibrilador semiautomático externo, unha vez activado, guía ao axente nos pasos a seguir para o seu correcto uso, determinando incluso o estado do corazón do paciente e indicando se é preciso continuar coas descargas. O rexedor enfatizou o seu carácter portátil, pois fai posible minimizar o tempo de reacción e atención ao paciente en toda a cidade.
Abel Caballero ofreceu datos das intervencións realizadas polos efectivos da Policía Local por infarto ou paradas cardiorrespiratorias. En 2018 foron 12 actuacións, con resultado de sete reanimados e cinco falecidos -todos eles homes de máis de 70 anos-, mentres que no primeiro semestre do presente ano se realizaron 10 actuacións con sete estabilizados no propio lugar e outros tres reanimados, sen lamentar falecementos.
A prestación de auxilio, engadiu o alcalde, é unha das funcións da Policía Local e, como media anual, o corpo realiza uns 1.500 servizos humanitarios. Neste capítulo englóbanse, ademais dos infartos, as caídas na vía pública, mareos, fracturas, esvaecementos...