Caballero aplaude a Érguete pola súa carreira do día 31, que dá "máis visibilidade á asociación"
O alcalde de Vigo, Abel Caballero, felicitou hoxe á organización da IV Carreira Érguete e Corre, que se vai disputar o vindeiro día 31, domingo, con saída e chegada en Concepción Arenal.
Caballero, acompañado polo concelleiro de Deportes, Manel Fernández, recibiu a Carmen Avendaño, presidenta da asociación, e a un grupo de organizadores e patrocinadores do evento, entre os que se atopaban as empresas Gadis (Pablo Louro) e Fiatc Seguros (Marcos González e Teresa Varela), ademais de ao atleta Daniel Bargiela.
A asociación de loita contra a droga Érguete celebrou o seu trixésimo aniversario en novembro de 2015 cunha carreira e tralo seu éxito decidiu darlle continuidade para visibilizar as súas accións. "É unha carreira que ten éxito e para nós é importante co fin de concienciar á xente e de visibilizar o noso traballo", dixo Avendaño ao rexedor.
A carreira será este ano a primeira das probas solidarias que Vigo recibe (leucemia, cancro e esclerose múltiple son as outras tres habituais do calendario na cidade) e espérase unha notable participación. Hai previstas tres saídas, unha para a proba de menores (10:00), outra para a carreira de 10.000 metros (10:30) e despois, ao tempo, o 5K, a andaina e os patíns (11:30).
Co patrocinio do Concello, a saída e meta situarase na contorna da Alameda co percorrido seguinte: Concepción Arenal, Areal, Isaac Peral, García Barbón, Colón, Praza de Compostela, García Olloqui, Cánovas del Castillo, As Avenidas, Peirao de Trasatlánticos, As Avenidas, Cánovas del Castillo, Montero Ríos e Concepción Arenal.
As inscricións nesta proba estarán abertas ata o día da Reconquista (xoves 28), co mesmo prezo dos últimos anos tanto para federados como para afeccionados.
Descargar todas as imaxes
A asociación de loita contra a droga Érguete celebrou o seu trixésimo aniversario en novembro de 2015 cunha carreira e tralo seu éxito decidiu darlle continuidade para visibilizar as súas accións. "É unha carreira que ten éxito e para nós é importante co fin de concienciar á xente e de visibilizar o noso traballo", dixo Avendaño ao rexedor.
A carreira será este ano a primeira das probas solidarias que Vigo recibe (leucemia, cancro e esclerose múltiple son as outras tres habituais do calendario na cidade) e espérase unha notable participación. Hai previstas tres saídas, unha para a proba de menores (10:00), outra para a carreira de 10.000 metros (10:30) e despois, ao tempo, o 5K, a andaina e os patíns (11:30).
Co patrocinio do Concello, a saída e meta situarase na contorna da Alameda co percorrido seguinte: Concepción Arenal, Areal, Isaac Peral, García Barbón, Colón, Praza de Compostela, García Olloqui, Cánovas del Castillo, As Avenidas, Peirao de Trasatlánticos, As Avenidas, Cánovas del Castillo, Montero Ríos e Concepción Arenal.
As inscricións nesta proba estarán abertas ata o día da Reconquista (xoves 28), co mesmo prezo dos últimos anos tanto para federados como para afeccionados.