O alcalde subliña a "ambición" da nova Zona Franca na atención "á economía de Vigo"
O Pleno da Zona Franca aprobará mañá xoves os orzamentos do Consorcio no que será a primeira sesión desde o nomeamento de David Regades como delegado. Abel Caballero, tamén presidente do pleno da Zona Franca, avanzou que esta "nova etapa" está marcada pola "maior ambición" para atender á economía da cidade.
Caballero adiantou que esta "nova etapa na historia da Zona Franca" suporá un "cambio radical" no seu funcionamento, cun Consorcio "envorcado na cidade, atendendo á economía de Vigo e coa maior ambición" para adicar recursos.
O alcalde saudou que a nova composición do Pleno incorpora á Zona Franca persoas "comprometidas coa boa marcha da cidade e da súa economía". Os nomeamentos de Manuel Rodríguez (empresario de Rodman), Elena Espinosa (exministra e expresidenta do Porto de Vigo) e Ana María Mejías (actual subdirectora da Escola de Enxeñeiros Industriais e profesora universitaria) conlevan o cesamento dos anteriores vogais, a saber, Fonseca Moratón, Rafael Louzán e Elena Muñoz.
"Agora hai unha Zona Franca encravada en Vigo, con vocación de Vigo e para atender a Vigo, como cidade e como proxecto de cidade, como economía, traballo e progreso", valorou Caballero, desde o cumprimento dos criterios normativos e de rendibilidade. "Teño o maior entusiasmo coa nova etapa da Zona Franca", concluíu o alcalde.
O alcalde saudou que a nova composición do Pleno incorpora á Zona Franca persoas "comprometidas coa boa marcha da cidade e da súa economía". Os nomeamentos de Manuel Rodríguez (empresario de Rodman), Elena Espinosa (exministra e expresidenta do Porto de Vigo) e Ana María Mejías (actual subdirectora da Escola de Enxeñeiros Industriais e profesora universitaria) conlevan o cesamento dos anteriores vogais, a saber, Fonseca Moratón, Rafael Louzán e Elena Muñoz.
"Agora hai unha Zona Franca encravada en Vigo, con vocación de Vigo e para atender a Vigo, como cidade e como proxecto de cidade, como economía, traballo e progreso", valorou Caballero, desde o cumprimento dos criterios normativos e de rendibilidade. "Teño o maior entusiasmo coa nova etapa da Zona Franca", concluíu o alcalde.