O Concello recibe a visita de 70 nenos saharauís acollidos por familias viguesas
O alcalde deu este xoves a benvida a 70 nenos saharauís que foron acollidos este verán por parte de familias viguesas. Mohamed Zerga, novo delegado saharauí en Galicia, destacou que Vigo é o primeiro municipio de Galicia e dos primeiros de Europa en acollemento de nenos do Sahara e Abel Caballero comprometeuse a aumentar o financiamento o vindeiro ano no caso de que máis pequenos viaxen á cidade. O Concello de Vigo xa colabora co programa sufragando a viaxe dos nenos.
