As visitas teatralizadas volven ao Centro de Interpretación do Mundo Romano en Mirambell
Abel Caballero presentou o programa de visitas teatralizadas gratuítas no Centro de Interpretación do Mundo Romano na Finca Mirambell, que comeza este xoves, 12 de xullo, ás 20 horas. Haberá representacións cada xoves de xullo e os días 2, 11 e 23 de agosto. O venres 11 de agosto a recreación se suma á Noite Branca.
O alcalde presentou no Concello de Vigo as visitas teatralizadas da vida romana que comezan este xoves, ás 20 horas, no Centro de Interpretación do Mundo Romano na Finca Mirambell.
A vila romana de Toralla é unha "xoia" do patrimonio histórico vigués, expuxo Caballero, quen recordou que "a cultura romana en Vigo tivo tanta vida", con restos que evidencia un asentamento romano "certamente importante" neste territorio.
Con este obxectivo de divulgar o patrimonio histórico vigués, o Concello volve organizar este ano recreacións da vida romana na Vila de Toralla. Todos os xoves de xullo e o 2 e o 23 de agosto se representarán escenas como a celebración dunha voda na antiga Roma, a venda de escravos ou unha loita entre gladiadores. Ademais, o 11 de agosto, o Centro de Interpretación do Mundo romano sumarase á celebración da Noite Branca, con programación desde ás 20,00 ata ás 02,00 h. Todas as escenificacións comezarán ás oito da tarde e se prolongarán durante dúas horas.
Os visitantes que acudan á Vila Romana de Toralla para as representacións serán recibidos nas escaleiras con pétalos de flores. Nas ruínas mostrarase a vida na vila romana, onde cada personaxe interpretará o seu oficio. O patricio e a súa muller recibirán aos invitados á voda, que se representará no escenario cunha cerimonia oficiada por unha sacerdotisa, co banquete, unha venda de escravos, baile e loita de gladiadores. Como novidade deste ano, adiantou Caballero, un paseo de soldados.
Para promover esta actividade divulgativa, algúns dos actores repartirán información sobre esta festa romana en diferentes puntos da cidade.
Descargar todas as imaxes
A vila romana de Toralla é unha "xoia" do patrimonio histórico vigués, expuxo Caballero, quen recordou que "a cultura romana en Vigo tivo tanta vida", con restos que evidencia un asentamento romano "certamente importante" neste territorio.
Con este obxectivo de divulgar o patrimonio histórico vigués, o Concello volve organizar este ano recreacións da vida romana na Vila de Toralla. Todos os xoves de xullo e o 2 e o 23 de agosto se representarán escenas como a celebración dunha voda na antiga Roma, a venda de escravos ou unha loita entre gladiadores. Ademais, o 11 de agosto, o Centro de Interpretación do Mundo romano sumarase á celebración da Noite Branca, con programación desde ás 20,00 ata ás 02,00 h. Todas as escenificacións comezarán ás oito da tarde e se prolongarán durante dúas horas.
Os visitantes que acudan á Vila Romana de Toralla para as representacións serán recibidos nas escaleiras con pétalos de flores. Nas ruínas mostrarase a vida na vila romana, onde cada personaxe interpretará o seu oficio. O patricio e a súa muller recibirán aos invitados á voda, que se representará no escenario cunha cerimonia oficiada por unha sacerdotisa, co banquete, unha venda de escravos, baile e loita de gladiadores. Como novidade deste ano, adiantou Caballero, un paseo de soldados.
Para promover esta actividade divulgativa, algúns dos actores repartirán información sobre esta festa romana en diferentes puntos da cidade.