O rexedor pon en valor o papel da avogacía ante as novas formas de relación laboral e de produción
Durante a inauguración das XXI Xornadas de Outono que se desenvolven no Centro Social Afundación baixo o lema "Precariedade e Igualdade", Caballero felicitou á organización, representada por Matías Movilla, pola calidade dos contidos do encontro e o prestixio dos profesionais participantes. Amais, valorou o labor dos avogados nas novas relacións entre traballadores e empregadores, o papel dos sindicatos do século XXI, o impacto da crise e a caída dos salarios que conforman o novo panorama nas relacións de produción, unhas circunstancias, dixo, sobre as que cómpre reflexionar.
