Escoitar

Caballero felicita "á cidadanía" porque a Área Metropolitana de Vigo xa é unha realidade"

A Área Metropolitana de Vigo xa deu os seus primeiros pasos administrativos, requisitos formais previos a convocatoria da Xunta de Goberno, segundo explicou hoxe venres o acabado de nomear presidente. Caballero felicitou á cidadanía pola posta en marcha do ente supramunicipal ao tempo que reivindicou a súa autonomía, equiparándoo a os municipios ou deputacións.

venres, 2 dec 2016
Abel Caballero cualificou hoxe venres a Área Metropolitana de Vigo como unha grande institución en Galicia, España e, incluso Europa, no inicio dunha rolda de prensa na que reivindicou a autonomía do ente, equiparándoo aos concellos ou as deputacións. Logo de "darlle a cidadanía os parabéns porque a Área Metropolitana de Vigo xa é unha realidade", o rexedor avanzou que xa se está a traballar no avance do ente. De feito, o secretario remitiu hoxe ao rexistro de Entidades Locais da Xunta a certificación do acordo constituínte para a inscrición da nova entidade. Tamén se remitiu escrito á Dirección Xeral de Administración Local para o nomeamento acumulado de un secretario e un interventor, e outro a todos os concelleiros metropolitanos instándolles ao constituírse en grupos políticos metropolitanos. Unha vez cumprimentados eses trámites, apostilou o rexedor, convocarase a Xunta de Goberno para nomear aos catro vicepresidentes.

Respecto dos concelleiros metropolitanos do PP que onte abandonaron a sesión constitutiva, dixo que "algúns onte esqueceron á xente, fixeron política filibusteira, obedecendo a Feijóo e a Rueda" pero non conseguiron paralizar a Área, precisou. Na súa opinión, o PP evidenciou que nunca quixo a Área Metropolitana e que só querían freala, ao tempo que destacou que foron oito as forzas políticas que "lle deron unha lección de democracia ao PP permanecendo la sesión constitutiva e cumprindo coas súas obrigas coa cidadanía. O acabado de nomear presidente, resaltou que foi elixido en primeira volta e por maioría absoluta con apoios dos seguintes grupos políticos: PSOE, BNG, GañaMos, Alternativa Canguesa de Esquerdas, Movemento Salceda y Marea de Vigo. Tamén quedou na sala o representante da Agrupación de Electores de Redondela, malia o seu voto en contra da candidatura de Caballero.