O Concello inicia as obras no Auditorio Mar de Vigo para acoller a UNED e unha gran sala de lectura
Abel Caballero deu conta esta mañá de luns do inicio dos traballos que permitirán que o Auditorio Mar de Vigo acolla a sede da UNED en Vigo así como a "maior sala de lectura da cidade". A Deputación de Pontevedra é a administración que sufragará estas obras, orzamentadas en 466.000 euros, ás que hai que sumar outros 200.000 euros para dotación de mobiliario.
As obras consistirán na adecuación das plantas cuarta, quinta e sexta do Auditorio Pazo de Congresos, sito na Avenida de Beiramar, como aulas, despachos, salas de reunións e de conferencias e aula de estudo. Alí estará emprazada o maior espazo de lectura da cidade, con 450 postos, segundo asegurou o primeiro edil. O proxecto, engadiu Caballero, se sufraga en virtude cun convenio coa Deputación de Pontevedra, un acordo que contempla ademais que a administración presidida por Carmela Silva achegue outros 200.000 euros para a dotación de elementos, útiles e mobiliario.
Abel Caballero recordou que Vigo conta xa con trece titulacións da UNED e avanzou que, de cara ao vindeiro curso 2017-2018, se solicitará impartir outras oito carreiras. Nestes momentos, detallou, as titulacións en marcha son as seguintes: Dereito, Enxeñería en tecnoloxías da información, Enxeñería informática, Turismo, Educación Social, Estudos ingleses, Administración e dirección de empresas, Ciencias Ambientais, Psicoloxía, Ciencia Política e da Administración, Pedagoxía, Xeografía e Historia e Historia da Arte.
Antes de rematar a súa comparecencia, Caballero felicitouse polo establecemento da UNED na cidade porque Vigo era a única cidade española dun tamaño similar sen universidade a distancia, puntualizou.
Abel Caballero recordou que Vigo conta xa con trece titulacións da UNED e avanzou que, de cara ao vindeiro curso 2017-2018, se solicitará impartir outras oito carreiras. Nestes momentos, detallou, as titulacións en marcha son as seguintes: Dereito, Enxeñería en tecnoloxías da información, Enxeñería informática, Turismo, Educación Social, Estudos ingleses, Administración e dirección de empresas, Ciencias Ambientais, Psicoloxía, Ciencia Política e da Administración, Pedagoxía, Xeografía e Historia e Historia da Arte.
Antes de rematar a súa comparecencia, Caballero felicitouse polo establecemento da UNED na cidade porque Vigo era a única cidade española dun tamaño similar sen universidade a distancia, puntualizou.