Escoitar

O alcalde manifesta a súa "satisfacción" polo informe da OCU que sitúa a Vigo entre as cinco cidades máis limpas de España

A OCU publicaba onte o seu informe sobre a limpeza nas cidades españolas e Abel Caballero amosaba este martes a súa "satisfacción", xa que Vigo está entre os cinco primeiros municipios de España e, no tocante ás grandes urbes, Vigo e Bilbao están á cabeza no tocante á limpeza. O alcalde recordou que a cidade olívica recibiu en 2008, 2010, 2012 e 2014 o máximo galardón de limpeza, a Vasoira de Platino.

martes, 28 abr 2015
1430223269alcalde6.jpg
Vigo está entre as cinco cidades máis limpas de España, segundo o informe da OCU, e, no relativo ás grandes cidades de máis de 300.000 habitantes, Vigo e Bilbao ocupan as primeiras posicións.

"Quero amosar a miña satisfacción, porque a OCU fai un recoñecemento importante da limpeza da cidade, que é visible a todas luces", asegurou Caballero, quen recordouj que Vigo ten catro Vasoiras de Platino, o máximo galardón en materia de limpieza, de carácter bianual e concedida no ano 2008, 2010, 2012 e 2014. A OCU ratifica estes recoñecementos, segundo apuntou.

O alcalde afirmou que "Vigo está a ter un recoñecemento moi importante en toda España, en diferentes ámbitos", tendo recibido a cidade o premio nacional en administración e contratación electrónica, primer premio estatal en boas prácticas en drogodependencia, premio da UE Cultural Europa Nostra 2012, premio Vigo Smart City e premio nacional en accións en contra da violencia de xénero.
Descargar todas as imaxes