O Concello promove con 3 días de concertos e audiovisuais a candidatura das Cíes a Patrimonio da Humanidade
Caballero presentou este mércores "O Canto das Illas", un espectáculo musical e audiovisual no Auditorio Mar de Vigo os días 20, 21 e 22 de febreiro, en apoio á candidatura das Cíes como Patrimonio da Humanidade. Con pezas compostas especialmente para o evento, artistas como Iván Ferreiro, Sondeseu e a Coral Casablanca, entre outros, porán a música, mentres que o audiovisual correrá a cargo de Colette Dedyn (que fará arte con area) e do videomapping que será proxectado por todo o auditorio.
Segundo explicou o alcalde, o acceso a "O Canto das Illas" para calquera dos tres días será gratuito e as entradas repartiránse na lonxa do Concello a partir da próxima semana. O venres, 20 de febreiro, o espectáculo comezará ás 21 horas e os días 21 e 22 de febreiro, ás 19 horas. Esta acción enmárcase dentro das iniciativas previas ao inicio oficial do percorrido para que As Illas Cíes sexan recoñecidas Patrimonio medioambiental da Humanidade pola Unesco. Esta andaina comezará, segundo avanzou o rexedor o próximo mes de xuño.
Abel Caballero explicou que esta iniciativa está composta de catro bloques escénicos nos que se estreará unha composición encargada especialmente para "O Canto das Illas", e interpretadas por artistas de diferentes estilos. Entre os distintos bloques integraranse os elementos audiovisuais: o videomapping (proxeccións adaptadas á estrutura do entorno onde se realiza o evento) e Pintura en area, de Colette Dedyn.
O primeiro bloque escénico, chamado Illa Monteagudo, contará coa Orquesta Sinfónica Vigo 430 e o estreo absoluto de Pórtico de Monteagudo, obra para arpa e orquesta composta por Juan Durán, con Alba Barreiro como solista. O bloque Montefaro terá por protagonista a Lucía Martínez que actuará con mestres e o coro infantil da Escola Municipal de Música, que interpretarán unha obra orixinal da artista.
A continuación chegará o apartado San Martiño, no que actuará Sondeseu, con alumnos da ETRAD e os solistas serán Begoña Riobó e Anxo Pintos. O concerto proseguerá co cuarto bloque, Illa dos Deuses, que incluirá unha suite de Rodrigo Romaní, interpretada por Sondeseu, a Orquesta Vigo 430, a Coral Casablanda e un quinteto contemporáneo cos solistas Iván Ferreiro e Mónica de Nut, ademais do Coro Infantil da Escola Infantil de Música. "O canto das Illas", indicou o rexedor, rematará un espetáculo que subirá ata 200 músicos ao escenario.
Descargar todas as imaxes
Abel Caballero explicou que esta iniciativa está composta de catro bloques escénicos nos que se estreará unha composición encargada especialmente para "O Canto das Illas", e interpretadas por artistas de diferentes estilos. Entre os distintos bloques integraranse os elementos audiovisuais: o videomapping (proxeccións adaptadas á estrutura do entorno onde se realiza o evento) e Pintura en area, de Colette Dedyn.
O primeiro bloque escénico, chamado Illa Monteagudo, contará coa Orquesta Sinfónica Vigo 430 e o estreo absoluto de Pórtico de Monteagudo, obra para arpa e orquesta composta por Juan Durán, con Alba Barreiro como solista. O bloque Montefaro terá por protagonista a Lucía Martínez que actuará con mestres e o coro infantil da Escola Municipal de Música, que interpretarán unha obra orixinal da artista.
A continuación chegará o apartado San Martiño, no que actuará Sondeseu, con alumnos da ETRAD e os solistas serán Begoña Riobó e Anxo Pintos. O concerto proseguerá co cuarto bloque, Illa dos Deuses, que incluirá unha suite de Rodrigo Romaní, interpretada por Sondeseu, a Orquesta Vigo 430, a Coral Casablanda e un quinteto contemporáneo cos solistas Iván Ferreiro e Mónica de Nut, ademais do Coro Infantil da Escola Infantil de Música. "O canto das Illas", indicou o rexedor, rematará un espetáculo que subirá ata 200 músicos ao escenario.