Escoitar

Inaguración da sinalizacións do roteiro en feminino 'Sons de Mulleres'

O sábado 15 de decembro ás 12:00 h. realizarase a inauguración das sinalizacións do roteiro "Sons de mulleres", proxecto de Mulheres Nacionalistas Galegas que conta co apoio e colaboración da Concellaría de Igualdade do Concello de Vigo e que foi concibido como o I Roteiro en Feminino de Vigo co obxectivo de visibilizar as mulleres que, individual ou colectivamente, teceron a historia de Vigo. Leva por quince puntos situados fundamentalmente no casco histórico da cidade, nos que, dun ou doutro xeito, as mulleres deixaron a súa pegada e a súa contribución á identidade de Vigo, aínda que a propia historia da cidade as teña silenciadas."mesmo. Este acto terá lugar no punto nº 14 no espazo contra a Violencia de Xénero {situado na rua Ronda de Don Bosco, ao lado do Marco}.

venres, 14 dec 2012
1355488324imagenroteiro.jpg
Nestes 15 puntos do roteiro hai espacios que son froito das reivindicacións e do traballo máis recente do Movemento Feminista: a Praza 8 de Marzo, a Biblioteca Feminista ou a Casa das Mulleres; lugares que recuperan a memória de mulleres vítimas da represión franquista: Urania Mella, Olimpia Valencia ou Rosario Hernández -A Calesa-, que loitaron pola liberdade nas rúas da cidade, nos sindicatos e na vangarda cultural; Pedagógas que defenderon os dereitos das mulleres, loitando por unha educación que aínda hoxe é soño de futuro: Concepción Arenal, Ernestina Otero ou Antia Cal; lugares de creación artística e literaria, como foi a imprenta de Juan Compañel onde Rosalía de Castro sacou do prelo en 1863 "Cantares gallegos"; lugares que recoñecen o compromiso político; e lugares que recoñecen o traballo nas conserveiras, na ribeira do Berbés ou as ostreiras, nos lavadoiros comunais ou nos mercados, ou ás mulleres que tiveron que emigrar.

A realidade de Vigo (como a de case que todas as cidades) vive de costas á visibilización das achegas das mulleres. De ahí a importancia deste roteiro recuperando a historia desde unha perspectiva de xénero, visibilizando e empoderando a inmensa labor que temos realizado as mulleres.

Con este Roteiro, queremos acadar que Vigo poña en valor a Igualdade tan necesaria para construir unha sociedade democrática. Unha sociedade onde as mulleres e os homes teñamos os mesmos direitos, onde a desigualdade sexa erradicada das nosas vidas asi como as súas consecuencias.

O Concello de Vigo asumiu a sinalizacion deste roteiro e o próximo sábado 15 de decembro ás 12:00 h. realizarase a inauguración das Sinalizacións do mesmo. Este acto terá lugar no punto nº 14 no espazo contra a Violencia de Xénero {situado na rua Ronda de Don Bosco, ao lado do Marco}.

Si o tempo non o permite, celebrarase o acto no interior do MARCO.
1355488324imagenroteiro.jpg
1355488338roteiro.jpg
Descargar todas as imaxes