O autobús eléctrico do Casco Vello será circular e entrará en funcionamento o próximo luns
O alcalde de Vigo, Abel Caballero, recordou hoxe venres que o autobús eléctrico do Casco Vello funcionará desde ás 8 horas do próximo luns, 7 de novembro, e terá un percorrido circular. O transporte funcionará de luns a venres cun percorrido de 42 minutos de duración e sete quilómetros de traxecto, e parará entre as 13:20 e as 16:40 para a súa recarga.
O alcalde de Vigo recordou o novo percorrido do bús eléctrico, consensuado coa veciñanza do Casco Vello. Transcorrerá pola rúa Real; Sombrereiros; Elduayen; Abeleira Menéndez, Paseo de Granada; Ronda de don Bosco; Blein Budiño; José María Álvarez Blazquez; Amor Ruibal; Hispanidade; Camelias; Paseo de Granada; Ronda de don Bosco; Doctor Cadaval; Porta do Sol; Elduayen; Paseo de Alfonso XII; Santa Marta; Torrecedeira; Severo Ochoa; Jacinto Benavente; Auditorio Mar de Vigo- Beiramar; Rúa Real.
Segundo indicou, a duración estimada do percorrido será de 42 minutos, cunha lonxitude de sete quilómetros. O prezo do billete será de 1,17 euros, o mesmo que custa calquera autobús urbano.
Abel Caballero adiantou que, "se vemos que hai demanda", o goberno de Vigo estudaría e procedería a amplialo aos sábados, previa comprobación dos datos existentes ata o momento.
Segundo indicou, a duración estimada do percorrido será de 42 minutos, cunha lonxitude de sete quilómetros. O prezo do billete será de 1,17 euros, o mesmo que custa calquera autobús urbano.
Abel Caballero adiantou que, "se vemos que hai demanda", o goberno de Vigo estudaría e procedería a amplialo aos sábados, previa comprobación dos datos existentes ata o momento.