Caballero reitera o compromiso do Goberno municipal co Campus do Mar

Abel Caballero reiterou hoxe o compromiso do Goberno municipal co Campus do mar durante a visita que realizou esta mañá ao obradoiro instalado na praia de Samil. Loubou a función divulgativa da iniciativa, ao tempo que destacou a sensibilidade que amosa no mantemento duns ámbitos biolóxicos e ecosistemas da maior importancia, sobre todo en Vigo, que somos a cidade do mar. "Campus do Mar na praia" ten como obxectivo aproveitar a riqueza do litoral galego, neste caso o de Vigo, para facer unha campaña de divulgación científica e tecnolóxica mariña a gran escala dirixida a toda a sociedade.