O alcalde asegura que "sentamos as bases para ter unha relación de cooperación" institucional tras a primeira reunión co presidente do Porto

Abel Caballero mantivo este xoves a primeira reunión con Ignacio López-Chaves tras ser este nomeado presidente da Autoridade Portuaria de Vigo. O alcalde definiu a entrevista de "produtiva" e para entablar unha relación "fluída, leal e de colaboración" institucional. O rexedor vigués anunciou que o Concello iniciará "mañá mesmo" a limpeza dos espazos infantis portuarios de Bouzas e Areal e encargarase dos contedores sitos nos embarcadeiros ao Morrazo e Cíes.

xoves, 4 ago 2011
1312463631puerto.jpg
O alcalde de Vigo, Abel Caballero, valorou de "productiva" e "positiva" a reunión mantida este xoves co novo presidente da Autoridade Portuaria de Vigo, Ignacio López-Chaves, xa que "sentamos as bases para ter unha relación de cooperación" entre ambas institucións.

A desta mañá foi a primeira reunión entre ambos tras o nomeamento de López-Chaves como responsable portuario, e o alcalde de Vigo apuntou que o encontro abre "os cauces a unha relación fluida, leal e de colaboración" entre as partes, que "é o que desde a Alcaldía queremos".

Abel Caballero anunciou que a cidade pasará a encargarse desde "mañá mesmo" da limpeza de distintos espazos portuarios abertos recentemente de maneira "unilateral" polo Porto, como as zonas de ocio infantil de Areal e Bouzas, ademais dos contedores dispostos nas proximidades ao embarcadoiro ao Morrazo e Cíes.

Segundo anunciou o rexedor, este "xesto" do municipio coa limpeza responde á decisión da Autoridade Portuaria de estudar unha eventual desafección e cesión da titularidade destes novos espazos cidadáns ao Concello, zonas que o Porto abriu en A Laxe, Areal e Bouzas.

A zona de embarque e tránsito para o tráfico de ría e ás Illas Cíes, todavía en obras, ten "un gran interese" para o cidade polo que a uso cidadá e turístico se refire, e Caballero explicou que tamén iniciará o Concello a xestión dos contedores de basura desde mañá venres e adiantou que presentará ao Porto un plan detallado para asumilo. Os espazos fronte ao Liceo de Bouzas, cun parque infantil, tamén será limpado polo goberno local desde mañá, xa que a Autoridade Portuaria vai considerar a desafección do terreo para a súa cesión ao Concello.

O alcalde de Vigo avanzou que a comezos de setembro "faremos unha proposta de zonas e tempos" ao Porto e detalle para que o Concello asuma a competencia -mantemento e limpeza- das novas zonas de ámbito cidadá. López-Chaves, segundo explicou Caballero, valorará estas cesións.

As novas zonas portuarias a limpar suporían un gasto municipal de 225.000 euros por ano, que sumaríanse aos 831.000 anuais que o Concello xa destina ao mantemento de espazos do Porto.

Bombeiros
Outro tema tratado polo alcalde e o presidente portuario esta mañá foi o establecemento dunha nave do servizo municipal de Bombeiros en terreo portuario, para atender especialmente ao Porto pero tamén dar servizo ao municipio.

Caballero afirmou que ambas institucións iniciarán contactos para establecer o parque nuns terreos que planteará a Autoridade Portuaria, o que "require un convenio". O primeiro edil referiuse ademais a unha sentenza xudicial que obriga a conveniar entre as partes a atención antilumes no porto, polo que definiu de "unha boa decisión" o inicio dos contactos.

Obras
Unha última cuestión abordada por Caballero e López-Chaves foi as obras que acometeu o Porto e foron paralizadas polos xulgados, na fonte cibernética, rederos e comercio. Explicou o alcalde que ambos acordaron agardar á decisión xudicial sobre cada cuestión, e indicou que o Concello ten xa avais dos tribunais nas tres cuestións.

Abel Caballero recordou que "en ningún momento houbo dimensión política" nos recursos presentados polo Concello ás devanditas obras portuarias e defendeu "desdramatizar" as relacións Porto-Concello.

O alcalde lembrou ademais que foi "obxecto dunha acusación falsa" por parte da Autoridade Portuaria de Vigo cando, en tempos da presidencia de Corina Porro, presentou unha querella criminal contra o propio alcalde e o concelleiro de Urbanismo polas obras paralizadas. A querella non foi admitida a trámite, decisión ratificada pola Audiencia Provincial: "o Concello e o alcalde foron acusados inxustamente", concluíu.
Descargar todas as imaxes