O chalé Agarimo reconstruirase en Beade como centro sociocultural
O alcalde de Vigo, Lois Castrillo, asinou un convenio que permitirá o traslado, pedra a pedra, á parroquia de Beade do chalé Agarimo, situado agora no barrio de Peniche. O chalé será reconstruido nunha parcela municipal situada en Coutada e converterase nun novo espacio para uso social e cultural dos veciños de Beade.
Castrillo puxo esta operación como exemplo da filosofía que orienta a xestión urbanística do Goberno municipal. O alcalde explicou que “facer cidade” non é só crear solo residencial e industrial, senón tamén conseguir máis espacios verdes, construír equipamentos deportivos e culturais e protexer o patrimonio arquitectónico. Neste caso, dixo Castrillo, estamos facilitando a conservación dun inmoble catalogado e proporcionándolle a Beade unha nova dotación social.
O chalé Agarimo é un edificio de cantería construído en 1931 polo arquitecto Manuel Gómez Román. Conta con dous andares nobles de 280 m2 e de tres semisotos de 421 m2. O seu actual propietario é a entidade mercantil Quecer S.L., que será a encargada de realizar o traslado e reconstrucción do inmoble sen custo ningún para o Concello.
A próxima ubicación do chalé é unha parcela situada xusto en fronte do Centro Cultural de Beade. Deste xeito perséguese configurar unha área dotacional na parroquia onde se agrupen diversos equipamentos sociais.
Castrillo puxo esta operación como exemplo da filosofía que orienta a xestión urbanística do Goberno municipal. O alcalde explicou que “facer cidade” non é só crear solo residencial e industrial, senón tamén conseguir máis espacios verdes, construír equipamentos deportivos e culturais e protexer o patrimonio arquitectónico. Neste caso, dixo Castrillo, estamos facilitando a conservación dun inmoble catalogado e proporcionándolle a Beade unha nova dotación social.
O chalé Agarimo é un edificio de cantería construído en 1931 polo arquitecto Manuel Gómez Román. Conta con dous andares nobles de 280 m2 e de tres semisotos de 421 m2. O seu actual propietario é a entidade mercantil Quecer S.L., que será a encargada de realizar o traslado e reconstrucción do inmoble sen custo ningún para o Concello.
A próxima ubicación do chalé é unha parcela situada xusto en fronte do Centro Cultural de Beade. Deste xeito perséguese configurar unha área dotacional na parroquia onde se agrupen diversos equipamentos sociais.