O alcalde anuncia 17,4 millóns de investimentos para humanizacións, garderías e novos espazos cidadáns
Abel Caballero avanzou hoxe martes que o goberno local remitirá "nos próximos tres ou catro días" parte dos proxectos de Vigo para o novo Fondo Estatal de Investimento Local disposto polo goberno de España para 2010; en total 17,4 millóns para trece novas humanizacións, garderías, zonas verdes e centros culturais e deportivos, con especial incidencia nas parroquias viguesas. Os procesos de contratación das obras poderían iniciarse o próximo mes.
O alcalde de Vigo, Abel Caballero, detallou este martes parte dos proxectos que o Concello presentará ao novo Plan E do goberno de España, un total de 17,4 millóns de euros para humanizacións, garderías, espazos verdes e centros culturais e deportivos, entre outros.
O rexedor local salientou que as melloras abranguen o saneamento, o abastecemento, as reformas viarias e trece novas humanizacións. A este respecto, Caballero citou a humanización da primeira fase de Tomás Alonso (1,2 millóns de euros); de Padre don Rúa e Bolivia (1,7 millóns); Doutor Cadaval, Lugo e Perú (831.000 euros); López Mora (3,6 millóns a executar en dúas fases simultáneas); Pi i Margall (3,1 millóns tamén en dúas fases); Santo Domingo, Condesa Bárcena e San Salvador (1,4 millóns); Pizarro (2,1 millóns); e Celso Emilio Ferreiro (775.000 euros), que inclúe unha nova rotonda no cruce con Venezuela.
Xunto as humanizacións, o alcalde indicou tamén que o Concello proxecta a construcción de dúas novas garderías, en Tomás Alonso e en Casiano Martínez, por un valor de 200.000 euros cada unha. Ambas sumaranse á de Mestres Goldar, que o Concello xa está a adaptar para comezar a operar o próximo curso.
Ademais, o Concello tamén reformará o parque frontal do cemiterio de Pereiró, con 300.000 euros de investimento; realizará a canalización de augas pluviais en Santa Cristina, cun orzamento de 240.000 euros; e mellorará os xardíns do Castro (300.000 euros), a Alameda de Bembrive (350.000 euros) e o carril bici da rúa Castelao (290.000 euros).
Abel Caballero informou asemade da construción dun campo de deporte para maiores en Valladares, próximo ao centro cultural, con 200.000 euros de investimento; unha escola de música no chalé Agarimo, en Beade, por valor de 150.000 euros; e un centro de música en Valladares, con 250.000 euros.
Para rematar os proxectos anunciados este martes, o alcalde sinalou que o Concello destinará 200.000 euros para a instalación de pasos de peóns resaltados en distintos puntos da cidade. En total, os 21 proxectos totalizan 17,4 millóns de euros de investimento dos 32 que lle corresponden á cidade dentro do Fondo Estatal de Investimento Local do goberno de España para 2010.
O rexedor socialista asegurou que estas decisións de investimentos representan unha "forma moi coherente e axeitada de utilización do Fondo", e avanzou que no prazo aproximado dun mes podería iniciarse o proceso de contratación das devanditas obras.
Descargar todas as imaxes
O rexedor local salientou que as melloras abranguen o saneamento, o abastecemento, as reformas viarias e trece novas humanizacións. A este respecto, Caballero citou a humanización da primeira fase de Tomás Alonso (1,2 millóns de euros); de Padre don Rúa e Bolivia (1,7 millóns); Doutor Cadaval, Lugo e Perú (831.000 euros); López Mora (3,6 millóns a executar en dúas fases simultáneas); Pi i Margall (3,1 millóns tamén en dúas fases); Santo Domingo, Condesa Bárcena e San Salvador (1,4 millóns); Pizarro (2,1 millóns); e Celso Emilio Ferreiro (775.000 euros), que inclúe unha nova rotonda no cruce con Venezuela.
Xunto as humanizacións, o alcalde indicou tamén que o Concello proxecta a construcción de dúas novas garderías, en Tomás Alonso e en Casiano Martínez, por un valor de 200.000 euros cada unha. Ambas sumaranse á de Mestres Goldar, que o Concello xa está a adaptar para comezar a operar o próximo curso.
Ademais, o Concello tamén reformará o parque frontal do cemiterio de Pereiró, con 300.000 euros de investimento; realizará a canalización de augas pluviais en Santa Cristina, cun orzamento de 240.000 euros; e mellorará os xardíns do Castro (300.000 euros), a Alameda de Bembrive (350.000 euros) e o carril bici da rúa Castelao (290.000 euros).
Abel Caballero informou asemade da construción dun campo de deporte para maiores en Valladares, próximo ao centro cultural, con 200.000 euros de investimento; unha escola de música no chalé Agarimo, en Beade, por valor de 150.000 euros; e un centro de música en Valladares, con 250.000 euros.
Para rematar os proxectos anunciados este martes, o alcalde sinalou que o Concello destinará 200.000 euros para a instalación de pasos de peóns resaltados en distintos puntos da cidade. En total, os 21 proxectos totalizan 17,4 millóns de euros de investimento dos 32 que lle corresponden á cidade dentro do Fondo Estatal de Investimento Local do goberno de España para 2010.
O rexedor socialista asegurou que estas decisións de investimentos representan unha "forma moi coherente e axeitada de utilización do Fondo", e avanzou que no prazo aproximado dun mes podería iniciarse o proceso de contratación das devanditas obras.