O alcalde confirma que xa se están a enviar os proxectos de Vigo para o plan estatal de inversións
Abel Caballero salientou que se está a executar desde hoxe de forma telemática o envío dos proxectos de inversións municipais á Subdelegación do Goberno, dentro do plan estatal do Goberno de España do que Vigo recibe máis de 52 millóns de euros. O alcalde explicou este martes ao Presidente da Cámara de Comercio de Vigo as prioridades de inversión da cantidade.
![1230039733camara.jpg 1230039733camara.jpg](https://xornal.vigo.org/storage/xornal-historico/medi/xornal/noticias/imx/opt/1230039733camara.jpg)
O alcalde de Vigo, Abel Caballero, e o Presidente da Cámara de Comercio, José García Costas, mantiveron este martes un encontro no que o rexedor explicou o destino dos 52 millóns de euros que xestionará no 2009 a cidade procedentes do fondo estatal para inversións municipais.
O alcalde adiantou que desde este martes xa se están a enviar os proxectos do goberno vigués para que, en dez días, sexan avaliados de forma previa pola Subdelegación do Goberno. Este organismo será o encargado de remitilo á súa vez ao Ministerio de Administracións Públicas do Goberno de España, que en dez días resolverá. O rexedor mostrou o seu "convencemento" de que a resposta será "positiva".
Abel Caballero explicoulle que a inversión se realizará acorde a tres principios: a creación de emprego -sobre todo na construción-, a revitalización desta industria e as relacionadas -como o granito-, e o embelecemento da cidade.
A reunión deste martes con García Costas continua ás mantidas polo alcalde cos representantes dos axentes sociais da cidade, como a CEP ou os sindicatos. Abel Caballero avanzou que proximamente manterá outro encontro destas características cos construtores, para advertirlles que "estean preparados" para asumir este "enorme esforzo inversor", subliñou.
Descargar todas as imaxes
O alcalde adiantou que desde este martes xa se están a enviar os proxectos do goberno vigués para que, en dez días, sexan avaliados de forma previa pola Subdelegación do Goberno. Este organismo será o encargado de remitilo á súa vez ao Ministerio de Administracións Públicas do Goberno de España, que en dez días resolverá. O rexedor mostrou o seu "convencemento" de que a resposta será "positiva".
Abel Caballero explicoulle que a inversión se realizará acorde a tres principios: a creación de emprego -sobre todo na construción-, a revitalización desta industria e as relacionadas -como o granito-, e o embelecemento da cidade.
A reunión deste martes con García Costas continua ás mantidas polo alcalde cos representantes dos axentes sociais da cidade, como a CEP ou os sindicatos. Abel Caballero avanzou que proximamente manterá outro encontro destas características cos construtores, para advertirlles que "estean preparados" para asumir este "enorme esforzo inversor", subliñou.