Un seminario sobre as Cíes propón declarar a illa de San Martiño como zona de reserva integral
Un seminario para a conservación da biodiversidade no Parque Natural das illas Cíes, celebrado recentemente en Sanxenxo, propón a declaración de reserva integral na illa de San Martiño. O concelleiro de Medio Ambiente, Amador Fernández, asistiu a estes encontros nos que participaron especialistas das universidades galegas e do Servicio de Medio Ambiente Natural.
As conclusións do seminario recomendan o control no número de visitantes na illa Sur, o ordenamento do acceso ás dunas de Nosa Señora e Rodas e a regulación da utilización de artes de enmalle no contorno do Parque Natural. En canto á illa de San Martiño, proponse a declaración como reserva integral debido ó interese biolóxico e ó escaso uso público.
A protección estricta da vexetación de ribeira, a substitución gradual de arborado exótico por vexetación autóctona e a conservación dos piñeirais son algunhas das medidas propostas con respecto á vexetación. No que se refire á fauna dos vertebrados, proponse a instalación de caixas para morcegos e de caixas-niño para paxaros.
Recoméndase o mantemento e recuperación de mananciais e correntes de auga doce, a promoción da creación dun arquivo histórico documental sobre as illas Cíes e maila realización dun estudio arqueolóxico do Castro das Hortas.
Descargar todas as imaxes
As conclusións do seminario recomendan o control no número de visitantes na illa Sur, o ordenamento do acceso ás dunas de Nosa Señora e Rodas e a regulación da utilización de artes de enmalle no contorno do Parque Natural. En canto á illa de San Martiño, proponse a declaración como reserva integral debido ó interese biolóxico e ó escaso uso público.
A protección estricta da vexetación de ribeira, a substitución gradual de arborado exótico por vexetación autóctona e a conservación dos piñeirais son algunhas das medidas propostas con respecto á vexetación. No que se refire á fauna dos vertebrados, proponse a instalación de caixas para morcegos e de caixas-niño para paxaros.
Recoméndase o mantemento e recuperación de mananciais e correntes de auga doce, a promoción da creación dun arquivo histórico documental sobre as illas Cíes e maila realización dun estudio arqueolóxico do Castro das Hortas.