Abel Caballero avanzou que a Xunta de Goberno aprobará o proxecto do parque Finca Matías cun importe de 2.850.000 euros. O proxecto inclúe un macroparque infantil e zonas verdes. O alcalde adiantou que o goberno local xa traballa no deseño para o acceso a través de medios mecánicos desde Travesía de Vigo ata Finca Matías e conectar coa rúa Aragón.
O alcalde de Vigo inaugurou este xoves no cemiterio de Pereiró un novo espazo para depositar as cinzas de vigueses e viguesas que realizaron un traballo importante, notable e recoñecido en favor da cidade. “Queremos ter un espazo que, dentro da austeridade, sexa representativo do que Vigo aprecia de tantas persoas que traballaron pola cidade”, afirmou Abel Caballero.
O alcalde informou este xoves das incidencias provocadas polo paso da borrasca Aitor por Vigo facendo fincapé na importancia da revisión permanente do arborado.
"A profundidade esencial da terra. Benjamín Palencia, Manuel Colmeiro e o surrealismo dos anos trinta”, é a nova exposición do Museo de Arte Contemporánea, aberta na galería B3, que foi inaugurada este xoves polo alcalde de Vigo. A exposición, comisariada por Carlos L. Bernárdez, pon en relación de forma innovadora a obra de dous grandes artistas do século XX co surrealismo internacional. Na inauguración participou Alba Corral, en representación da familia e o legado do pintor Colmeiro. A mostra permanecerá aberta ata o 5 de xaneiro de 2025.