O alcalde participou este martes no acto simbólico de colocación da primeira pedra da obra que converterá a praza nun espazo “con decidida vocación de cultura ao aire libre”. Amais, o goberno municipal supera os 4 millóns de euros de investimento en humanizacións no rural.
O alcalde mantivo unha xuntanza co presidente e a xerente da Asociación de Transportista da Provincia de Pontevedra e ambos coincidiron na idoneidade de prolongar a A-52 en túnel ata Vigo.
Os restos aparecidos na rúa Elduayen pertencen a casas datadas entre o século XVIII e XIX, sen outros materiais anteriores. Do pasadizo non hai novidades máis alá do que xa figuraba no proxecto da obra.
O Concello vén de recibir do goberno autonómico a proposta de humanización do subsolo desta vía de titularidade autonómica, da que a Xunta asumiría soamente a superficie.
O alcalde recibiu ao nadador vigués Juan Ferrón. Ten 18 anos e é o único galego na selección española de natación adaptada en visual. Ferrón clasificouse para o Mundial do Funchal que se celebrará en xuño deste ano. Caballero animouno "a ser o mellor e seguir traballando co seu éxito".
O 15 de febreiro conmemórase o Día Internacional contra o Cancro Infantil e o Concello ilumina a pérgola da praza, en colaboración coa asociación Bicos de Papel. Os autobuses urbanos de Vigo tamén cooperan e trasladan a mensaxe nos frontais dos vehículos.