No Auditorio Mar de Vigo entregouse esta mañá o primeiro premio do concurso de ideas para deseñar o ascensor de García Barbón. O alcalde avanzou antes en rolda de prensa que esta infraestrutura será un “gran” complemento para o edificio de Vialia, deseñado por Thom Mayne.
Dada a situación epidemiolóxica e segundo as normas establecidas pola autoridade sanitaria, o Concello autorizará a presenza de público nas competicións de equipos de elite en instalacións municipais. O protocolo establece que non se superarán os 150 espectadores, sempre que este volume non supoña superar o 30% da capacidade do recinto e se garanta una separación interpersoal de 1,5 metros.
A comisión municipal de axudas de emerxencia acordou conceder outras 129 axudas por valor de 30.557 euros, segundo informou este mércores o alcalde, quen indicou que as reunións son dúas veces por semana cunha media de 60.000 euros semanais. Caballero subliñou os 76 apoios económicos concedidos para pagos de aloxamento: “Estamos evitando desafiuzamentos”.
O alcalde e presidente da FEMP participou de forma telemática na xornada “O futuro dos centros históricos das cidades”, organizada polo Colexio de Rexistradores de España. Caballero citou ao Casco Vello vigués, a acción sobre locais e vivendas, a peonalización da Porta do Sol e os proxectos para o Barrio do Cura e a Panificadora.