O alcalde de Vigo solicitou este martes á cidadanía que colabore extremando as medidas de seguridade e hixiene para frear a pandemia do Covid-19. O rexedor anunciou que reforzará a vixilancia policial pola entrada da cidade en nivel de alerta laranxa, pero afirmou tamén que existe un alto grado de cumprimento por parte da poboación.
Abel Caballero recordou que a normativa entra agora en fase de alegacións durante 30 días hábiles, previo á súa entrada en vigor. O alcalde puxo en valor unha ordenanza que procura garantir a accesibilidade en edificios xa construídos e sen posibilidade de instalar un elevador no interior.
Unha vez que o estado de alarma obrigara a suspender o Word Padel Tour o pasado mes de marzo, esta competición deportiva chegará finalmente á nosa cidade entre o 15 e o 22 de novembro. Trescentos deportistas -o 40% son mulleres – daranse cita no pavillón das Travesas nunha edición que non poderá contar con público dada a situación sanitaria.
O alcalde informou este martes da posta en marcha do novo ciclo formativo baixo o título "Eutopías. A procura do bo lugar no cinema", que se desenvolverá en dúas quendas e con aforo limitado para garantir a seguridade sanitaria.