O alcalde de Vigo proporá ao colectivo de sanitarios como merecedores da Medalla da Cidade 2020 en recoñecemento ao seu servizo durante a pandemia do Covid-19. Xa hai seis propostas a Vigueses Distinguidos: Julio Picatoste, Carlota Corredera, Colexio Saladino Cortizo, IES Castelao, Iván Álvarez e Club Peña Trevinca.
O goberno municipal derruirá as instalacións do Camaleón, en Samil, para converter o espazo nunha nova zona verde, como xa ocorrera coas Dornas. A concesión rematou este ano logo dun período de explotación de 35 anos.
O Concello de Vigo puxo en marcha un novo proxecto de voluntariado medioambiental destinado a colaborar na limpeza de montes, no acompañamento de cans e adecuación dos hortos urbanos. O programa comezou este luns e estenderase ata o 30 de setembro.
Abel Caballero anunciou este luns que xa se pode pedir a cita previa para solicitar as becas de comedor, libros e material escolar do vindeiro curso. O Concello atenderá a partir do xoves a un total de 160 persoas diarias para tramitar as solicitudes.
A rúa do Príncipe acollerá máis de 55 sinaturas de autores dende este xoves, 25 de xuño, e ata o sábado 4 de xullo, nunha feira que contará coa presenza de 6 librerías e co pregón inaugural de María Xosé Queizán.