O alcalde e presidente da FEMP participou na Comisión Plenaria da Rede de Destinos Turísticos Intelixentes, xunto ao Rei e á ministra Maroto, e apostou por “non dar nada por perdido”. Felipe VI trasladou o seu apoio a unha tempada turística segura e de calidade
A Xunta de Goberno Local aprobou este xoves as bases para a selección do persoal e a relación das obras a acometer no segundo semestre do ano. A contratación primará a colectivos con dificultades de inserción laboral e está cofinanciada con fondos FEDER da Unión Europea dentro do proxecto “Vigo Vertical”.
A partir do vindeiro luns, 15 de xuño, o goberno municipal ofrecerá axuda no Concello, mediante cita previa, á cidadanía que precise asesoramento, información ou rexistro da solicitude do ingreso mínimo vital. A cita pode pedirse desde mañá venres en www.vigo.org ou a través do teléfono de información 010.
Vigo poderá celebrar a noite de San Xoán coas tradicionais cacharelas que se organizarán en espazos amplos que permitan manter as distancias de seguridade. En poucos días abrirá o prazo para solicitar o correspondente permiso e se farán públicas as condicións de precaución sanitaria que se deberán cumprir.
Abel Caballero anunciou esta mañá as datas do Campus Vide 2020 que se organizará en xullo no Complexo Deportivo das Travesas. A principios do mes que vén arrancarán tamén os campamentos para persoas con discapacidade que se desenvolven tamén en agosto no museo Verbum Casa das palabras. Deste xeito máis de 300 novas prazas súmanse ás 2.388 ofertadas desde a Concellería de Xuventude.
Abel Caballero deu conta da aprobación este xoves da subvención mediante convenio á formación musical para levar adiante o seu programa de concertos deste ano, un total de sete actuacións que se celebrarán nas condicións que permita a crise sanitaria do Covid-19.