O alcalde deu conta esta mañá do crecemento das pernoctacións nun 11,47% respecto a 2018, un ano que xa foi "excepcional" desde o punto de vista do turismo. No pasado mes de novembro, a cidade achegou o 41% dos visitantes da provincia de Pontevedra.
Abel Caballero asinou este venres dous acordos coa presidenta do ente provincial, Carmela Silva, para financiar melloras no rural e na Ronda de Don Bosco. A Deputación destina 900.000 euros para a Ronda (e o Concello achega máis de 600.000 euros) e outro millón para actuar en 37 vías das parroquias.
O alcalde rexeitou a proposta do Consello de Administración do Porto de Vigo de facer recheo no molle de comercio e na terminal de Bouzas así como a negativa á compra de terreos no ámbito de Vulcano.
O Concello amplía a oferta lúdica e formativa de Nadal para as dúas semanas non lectivas. Segundo explicou Abel Caballero, o MARCO organiza obradoiros infantís de Nadal do 26 ao 28 de decembro e do 2 ao 4 de xaneiro, de 12 a 14h, para maiores de tres anos. A entrada, libre e gratuíta ata completar aforo.
Abel Caballero asistiu este venres ao festival de Nadal do CEIP Plurilingüe Javier Sensat aproveitando a visita para felicitarlle as festas navideñas aos estudantes e ao profesorado. Amais o alcalde tivo a oportunidade de sumarse á celebración das badaladas organizadas polo centro para nenos e maiores.
O campionato, do xoves 26 ao domingo 29 deste mes, cítase por terceiro ano no pavillón do Loureiro, en Carballal, con récord de inscritos (quince equipos de doce clubs, con 300 nenas e nenos) e por vez primeira con equipos doutras comunidades autónomas (Asturias e Cataluña).