O alcalde informou este martes do desenvolvemento do Programa Municipal de Axudas Extraordinarias a Familias co que se concederon este ano 1.890 subvencións das que quedan tres pendentes de dar, tras sérenlle notificadas ás persoas beneficiarias.
Caballero reiterou que Vigo se xoga entrar no mapa da alta velocidade ferroviaria e a súa "centralidade" na conexión de Oporto con Madrid. O rexedor, reunido este martes co presidente do Círculo de Empresarios de Galicia, Juan Güell, denuncia as "intencións" do Goberno de España de non acometer o AVE directo a Vigo por Cerdedo. <br />
No nome de todos os Gobernos Locais españois, o alcalde de Vigo e presidente da FEMP trasladou a súa solidariedade ás familias e ao pobo alemán "ferido por este acto de barbarie inexplicable". As bandeiras do Concello ondean a media hasta.
Douscentos oitenta alumnos de 5º e 6º de Primaria participaron esta mañá no Festival Escolar de Improvisación Oral que se organizou no Auditorio Municipal. Caballero cualificou de "excepcional ver a tantos nenos cantar regueifas nesta forma especial de improvisar en galego".
Caballero eloxiou esta mañá a traxectoria profesional da mezzo soprano viguesa Nuria Lorenzo que ven de alcanzar o terceiro premio nun concurso nacional como directora do Coro de Cámara Gli Appassionati de Vigo. Logo de manter un encontro na Alcaldia, Caballero explicou que este recoñecemento obtido en Burgos súmase a unha carreira profesional chea de éxitos coa que o Concello ten vontade de colaborar.