O goberno local outorgará o próximo curso 92 bolsas para unha estancia no estranxeiro aos alumnos da Escola de Idiomas, o que supón duplicar o número de prazas. Así mesmo, aprobou exencións por valor de 1.261 euros para o uso de instalacións deportivas, unha cifra que eleva á 235.000 euros as subvencións a entidades sociais ou educativas.
Abel Caballero explicou que o órgano de goberno da Área comezará a traballar a vindeira semana abordando cuestións como a entrada no ente de outros municipios ou a elaboración do Plan Cuadrienal que recollerá as accións dos próximos anos. <br />
O alcalde participou na presentación este venres da décimo cuarta edición de Vigolandia, "un evento tan coñecido na cidade que case non necesita presentación", apuntou, que se celebra do 26 ao 30 de decembro no IFEVI. A iniciativa familiar ten carácter benéfico, cun punto de recollida de alimentos e xoguetes.
Ven sendo habitual durante o Nadal a celebración de festas de Fin de Ano e Reis en locais de ocio. Consonte a normativa vixente, ningún local pode ofrecer espectáculos ou actividades recreativas sen estar provisto da preceptiva licenza municipal de actividade/apertura. Asemade, ningún local pode ofrecer espectáculos ou actividades recreativas distintos dos que figuren autorizados na devandita licenza municipal.