Segundo informou Caballero este mércores, o goberno local vén de aprobar os proxectos para novas humanizacións na Avenida de Galicia, na rúa Bueu e en Rosalía de Castro por un importe total de 1.354.000 euros. Tamén validou case dous millóns para asfaltados e 365.000 euros para renovar equipos de Bombeiros
"O primeiro valedor da ampliación do IFEVI para Conxemar é o alcalde de Vigo; por tanto, todos aqueles que estean na ampliación e o fagan con seriedade saben que contan cun aliado imprescindible, que é o alcalde e o Concello de Vigo", aseverou Abel Caballero tras reunirse coa dirección de Conxemar este mércores.
Vigo acollerá os actos de conmemoración do trinta aniversario da Copa Galicia de Baloncesto Feminino no Pavillón de Navia, no que será unha homenaxe á traxectoria da competición e ás persoas que a fixeron posible. Caballero apuntou que o Concello desenvolverá programas e axudas especiais ao baloncesto feminino por ser un referente do deporte na cidade.