O goberno local prosegue coa reforma da rúa Coutadas, en Teis, despois de ter concluído o tramo entre Sanjurjo Badía e a rotonda, un vial "moi significativo" tanto pola poboación que alí reside como polo "tránsito" dada a proximidade de centros educativos e deportivos. O alcalde, Abel Caballero, subliñou a atención do Concello a Teis e ao rural de Vigo.
Unha campaña de reciclaxe tratará de facilitar aos hostaleiros o traslado do vidrio ao contenedor especial. De momento, xa son 86 os locais que contarán cun cubo máis pequeno e manexable -está provisto de rodas- que lles permitirá baleirar o contido de xeito semiautomatizado.
Os próximos venres 6 e sábado 7 de febreiro, o Concello porá en marcha os actos de conmemoración do 8 de marzo, Día Internacional das Mulleres. Na edición deste ano, a pedagoga Antía Cal será premiada co III premio de Igualdad Ernestina Otero.