O alcalde anunciou hoxe venres o inicio do procedemento para adxudicar por concurso dous pisos municipais en Teixugueiras a familias con discapacidade e renda inferior a 1,5 veces o IPREM. En 15 días estarán listas as bases para abrir, sete días despois, o prazo de inscripción. O Concello alugará sen coste as vivendas por 24 meses.
O Concello inicia este venres os traballos de derrubo do edificio, que estarán concluidos en tres meses, e prevé habilitar no mesmo espazo unha zona verde, segundo indicou Abel Caballero, co que eliminará un obstáculo visual importante.
O alcalde de Vigo participou na presentación da programación de verán de Iberia Express que, ademais de manter a ruta Vigo-Tenerife, aumenta os voos entre Vigo e Palma de Mallorca. Diante dos axentes de turismo locais, Caballero agradeceu á compañía aérea a resposición do primeiro vóo da mañá a Madrid, unha vez que outra empresa deixara de operar ese enlace "por culpa das axudas contra normativa da Xunta".
A Xunta Local de Goberno aprobou hoxe venres o plan de ocupación, instalación e explotación de servizos nas prais. Como o ano pasado, serán 11 os quioscos de tempada que se instalen este verán nos arenais de Vigo.
Este venres celebrouse na sala de xuntas do Concello vigués a sesión da Xunta de Goberno da Mancomunidade da Área Intermunicipal de Vigo que tomou coñecemento da proposta, elevada polo alcalde vigués, de nomear como xerente a Magoya Méndez, ata o momento a directora financeira da entidade supramunicipal.
A Concellería de Cultura e Festas, en colaboración coa Agrupación de Centros Deportivos e Culturais e maila Federación de Peñas Recreativas "El Olivo", organizan do ENTROIDO 2014, que terá lugar do 28 de febreiro ao 5 de marzo, en distintos espazos da cidade. O programa comeza o venres 28 con murgas e charangas polo centro da cidade e os tradicionais "merdeiros" polo barrio histórico, a partir das 19:00 h; ás 19:30 h, a Escola Municipal de Teatro realizará na praza da Constitución o espectáculo manipulación. Ás 20:00 h, terá lugar a "Entronización do Meco" na Porta do Sol, para continuar ás 20:30 h co pregón, a cargo de Vigópolis.
A Xunta de Galicia convocou cursos de lingua galega (CELGA 1, 2, 3 e 4) no DOG núm. 38 do martes, 25/02/2014, páxina 8023 e seguintes que terán lugar na Escola Oficial de Idiomas de Vigo (avda. Emilio Martínez Garrido, 17).<br />
Con motivo do desenvolvemento dos actos do Entroido 2014, que afectarán principalmente a García Barbón, Policarpo Sánz, Porta do Sol e Paseo de Afonso XII, levarase a cabo o seguinte dispositivo de regulación e cortes de tráfico:
De conformidade co disposto no apartado 3º do artigo 62 da Lei Xeral Tributaria e 36 da Ordenanza fiscal xeral do Concello de Vigo, a concelleira delegada de economía e facenda do Concello de Vigo, por resolución de data 14 de xaneiro de 2014, a proposta da tesourería municipal, RESOLVEU:<br /> <br /> Fixar como datas de comenzo e final de cobranza, en período voluntario, dos padróns de tributos de cobro periódico e notificación colectiva correspondentes ó exercicio 2014 (calendario do contribuínte para o ano 2014), así como as datas para o cargo en conta dos recibos domiciliados nas entidades financeiras, as seguintes:<br />