Abel Caballero informou este xoves do inicio da elaboración do proxecto para dotar dunha cuberta ao patio do colexio Castelao, en Navia, unha "antiga reivindicación" que a Xunta de Galicia, a administración competente en materia educativa, non atendeu e asumirá o Concello. "O noso obxectivo é que no outono estea feita a obra", apuntou o rexedor.
O Concello, o Colexio de Enxeñeiros Industriais de Galicia e FAIMEVI organizan o 18 e o 19 de setembro no Auditorio Municipal as Xornadas Técnicas Galegas de Enerxías Renovables, presentadas hoxe xoves na Alcaldía e nas que prestixiosos profesionais e empresas especializadas abordarán o presente e o futuro da enerxía sostible.
A reunión en Vigo -por primeira vez en España- da European Chess Union esta fin de semana é o motivo da organización do Festival de Xadrez, presentado este xoves no Concello por Abel Caballero e Sara Gude, do comité organizador. A tarde do luns, 200 participantes xogarán partidas simultáneas contra dez mestres galegos do xadrez.
Mañá venres comeza en Vigo a duodécima edición do certame ciclista e o alcalde de Vigo agradeceu hoxe á Federación Galega a elección da cidade como punto de partida. Ás 14 horas toman a saída os 119 ciclistas que participan na Volta a Galicia desde a Porta do Sol, onde rematará a etapa entre as 17 e as 17:30 horas.