O alcalde avanza que o aparcadoiro e a humanización de Castelao serán inaugurados na segunda quincena de setembro
Abel Caballero visitou hoxe xoves os traballos de construcción do aparcadoiro soterrado da Avenida de Castelao, en Coia, e da humanización de máis de medio quilómetro de avenida, melloras que serán inauguradas na segunda quincena de setembro. O alcalde explicou que este mes rematará o acondicionamento da superficie e Urbanismo procederá en setembro á revisión da instalación e á concesión das oportunas licencias previas á apertura definitiva.
