A Patrulla Medioambiental do Concello de Vigo está a recabar datos da situación administrativa de todas as industrias emprazadas á beira do Lagares no tocante ás licenzas de actividade e de verquidos. O obxectivo é obter unha composición de lugar do estado das empresas e instar as mesmas a cumprir a lagalidade para evitar os verquidos ao río.
A concelleira de Benestar Social, María Méndez, subliñou este martes que "priorizar as áreas que inciden en paliar as consecuencias da crise económica" foi o principal criterio da elaboración dos orzamentos do seu departamento para o exercicio do 2009. Benestar Social contará con preto de 6 millóns de euros, centrados fundamentalmente no incremento dos servizos destinados ás persoas maiores e en risco de exclusión e o aumento das axudas aos colectivos máis desfavorecidos e para libros e comedores.
O edil de Xestión Municipal, Carlos L. Font, se reuniu o pasado venres co Almirante Xeral Xefe do Estado Maior, D. Manuel Rebollo, quen garantiu a presencia como mínimo de dúas goletas na saída do Desafío Atlántico 2009, que terá lugar en Vigo en maio de 2009. Se o calendario o permite, o buque Juan Sebastián Elcano tamén participará no evento.
Desde o 31 de outubro ata o 2 de Novembro Vigozoo contará cun stand no Salón Internacional de Turismo, Gastronomía e Artesanía Expogalaecia 2008 no que poderase coñecer a variedade de actividades enfocadas a todo tipo de público desenvolvidas no Parque.
O MARCO, Museo de Arte Contemporánea de Vigo, lembra que durante esta semana continúa aberto o prazo de matrícula para o curso ‘XENTES, ESPAZOS E LUGARES’, para o que quedan dispoñibles as últimas prazas e que se celebra do 4 de novembro de 2008 ao 26 de maio de 2009. O curso está organizado polo COAG e MARCO, coa colaboración de Xerencia de Urbanismo