mércores, 27 agosto 2008

O Concello de Vigo amosa o seu apoio ao equipo do Gestibérica para a teporada 2008-2009

O alcalde de Vigo, Abel Caballero, o tenente de alcalde, Santi Domínguez, e o concelleiro de Deportes, Xabier Alonso, amosaron este mércores o máximo apoio do Concello de Vigo ao Gestibérica no acto de presentación equipo e corpo técnico para a temporada 2008-2009. Os tres representantes municipais coincidiron en sinalar que o Gestibérica representa a aspiración da cidade de Vigo de ter un equipo de baloncesto masculino na máxima categoría.

1219843321gestiberica.jpg
1219841609futbolsala.jpg

O apoio do Concello permite que o Torneo Cidade de Vigo de fútbol sala, este sábado, teña entrada gratuíta

mércores, 27 ago 2008

Este sábado 30 de agosto o pavillón central das Travesas será escenario da primeira edición do Torneo Cidade de Vigo de fútbol sala, organizado polo Coruxo F.C. A partir das cinco da tarde e durante unhas cinco horas, o fútbol sala copará a cancha con partidos que van dende categorías de base masculinas e femininas ao encontro estelar da xornada, o que medirá ao Coruxo co Amanhã da Criança, da Segunda División portuguesa (equivalente á categoría de Prata en España). A xornada será de portas abertas grazas ao patrocinio de Tenencia de Alcaldía e a Concellería de Deportes.