O apoio do Concello permite que o Torneo Cidade de Vigo de fútbol sala, este sábado, teña entrada gratuíta
Este sábado 30 de agosto o pavillón central das Travesas será escenario da primeira edición do Torneo Cidade de Vigo de fútbol sala, organizado polo Coruxo F.C. A partir das cinco da tarde e durante unhas cinco horas, o fútbol sala copará a cancha con partidos que van dende categorías de base masculinas e femininas ao encontro estelar da xornada, o que medirá ao Coruxo co Amanhã da Criança, da Segunda División portuguesa (equivalente á categoría de Prata en España). A xornada será de portas abertas grazas ao patrocinio de Tenencia de Alcaldía e a Concellería de Deportes.
"Estamos a pór os alicerces para un proxecto consolidado. Tivemos no pasado malas experiencias que naceron sen facer as cousas ben pero o Coruxo é unha entidade seria que sabe traballar e que tamén o fai coa base", asegurou o concelleiro de Deportes, Xabier Alonso, en rolda de prensa. O edil nacionalista tamén recoñeceu que espera "consolidar no futuro o evento" e valorou un deporte con "enorme cantidade de practicantes na cidade", como lembrou enumerando Vigo en Xogo e as competicións federadas e doutras ligas existentes.
Pola súa banda, Pachi Comesaña, vicepresidente deportivo do Coruxo, garantiu que co rival luso "imos ver un bo espectáculo de fútbol sala". O club intentou inicialmente contactar co Azkar Lugo e o Autos Lobelle, pero as súas axendas xa estaban cubertas. O conxunto de Maia, adestrado por Vítor Magalhães, realizou seis fichaxes e preséntase tamén con cadetes (quintos do país a tempada pasada) e xuvenís. O Coruxo xogará a Liga 08/09 na Primeira Nacional A.
A intención do Coruxo é traer para o próximo verán un rival de División de Honra para que se mida "ao primeiro equipo de Vigo no fútbol sala", e crear unha fase previa en varias categorías para enriquecer a calidade do torneo.
O programa de encontros para o sábado é o seguinte: IES Coruxo-Salesianos (17.00, infantís). Coruxo-Amanhã da Criança (18.00, cadetes). Coruxo-Amanhã da Criança (19.00, xuvenís). Coruxo-El Olivo (20.00, cadete feminino). Coruxo-Amanhã da Criança (21.00, senior).
Descargar todas as imaxes
Pola súa banda, Pachi Comesaña, vicepresidente deportivo do Coruxo, garantiu que co rival luso "imos ver un bo espectáculo de fútbol sala". O club intentou inicialmente contactar co Azkar Lugo e o Autos Lobelle, pero as súas axendas xa estaban cubertas. O conxunto de Maia, adestrado por Vítor Magalhães, realizou seis fichaxes e preséntase tamén con cadetes (quintos do país a tempada pasada) e xuvenís. O Coruxo xogará a Liga 08/09 na Primeira Nacional A.
A intención do Coruxo é traer para o próximo verán un rival de División de Honra para que se mida "ao primeiro equipo de Vigo no fútbol sala", e crear unha fase previa en varias categorías para enriquecer a calidade do torneo.
O programa de encontros para o sábado é o seguinte: IES Coruxo-Salesianos (17.00, infantís). Coruxo-Amanhã da Criança (18.00, cadetes). Coruxo-Amanhã da Criança (19.00, xuvenís). Coruxo-El Olivo (20.00, cadete feminino). Coruxo-Amanhã da Criança (21.00, senior).