Maratón de Tai Chi, Jam Sesión, tirolina, break dance, capoeira, percusión, teatro e música. O programa da concellería de Xuventude "Súbete ao Castro" presenta unha xornada de celebración do verán cunha serie de actividades especiais que resumen toda a experiencia acumulada ao longo do ano.
Os Premios Veo Veo Galicia 2005, unha iniciativa da Fundación Teresa Rabal, celebraranse no Teatro Fraga Caixa Galicia os días 24, 25 e 26 de xuño. Neles participarán nenos con aptitudes artísticas que optarán a bolsas de estudo para mellorar a súa formación.
A praia do Vao será durante os meses de xullo e agosto o escenario onde se disputarán as competicións incluídas no programa deportivo do Concello Vigoarena 2005, entre as cales se contan o voley-praia, o fútbol-praia e o triatlón.
A Concellaría da Muller continuando coa liña desenvolvida durante os últimos anos de enviarlles aos centros de ensino materiais coeducativos co fin de promover a igualdade de dereitos e oportunidades entre homes e mulleres e contribuír a sentar as bases dunha sociedade máis xusta e igualitaria para todos/as, organiza unha charla dirixida ao alumnado de 4º da ESO.
O concelleiro de Cultura, Ignacio López Chaves e a directora da Fundación Caixa Galicia , Teresa Porto, presentaron o libro editado polo Concello "La arquitectura racionalista en Vigo".