mércores, 1 setembro 2004

A alcaldesa analiza cos voceiros dos grupos da oposición os distintos proxectos que afectan á cidade

A alcaldesa de Vigo, Corina Porro, reuniuse hoxe cos voceiros dos distintos grupos políticos municipais da oposición para abordar o estado dos distintos proxectos e cuestións que afectan á cidade. O Plan Xeral, os vindeiros orzamentos municipais, o convenio Vigo 2005, o auditorio Casa Mar ou o centro comercial de A Laxe foron algunhas das cuestións que se analizaron nos encontros. A alcaldesa aproveitou tamén para entregarlles aos voceiros dos grupos o estudio de viabilidade do auditorio-pazo de congresos.

Pedro Dobao, o lirismo feito escultura

mércores, 1 set 2004

A Casa Galega da Cultura abre ás súas portas á expresividade en estado puro. Así, e baixo o título "A escultura vista con ollos sinxelos", a exposición do escultor Pedro Dobao, poderá ser visitada do 3 de setembro ao 3 de outubro. Un espacio para a imaxinación máis dramática da man dun total de 13 obras do autor.