venres, 3 setembro 2004
Os traballos adiántanse un mes con respecto ao previsto inicialmente, segundo anunciou hoxe a alcaldesa

As obras da superficie de Urzáiz estarán rematadas a principios de novembro

As obras da superficie de Urzáiz estarán rematadas a principios do mes de novembro, segundo anunciou hoxe a alcaldesa de Vigo, Corina Porro, durante unha visita á zona. Deste xeito, os traballos adiántanse un mes con respecto ao previsto inicialmente, xa que o seu remate estaba previsto para o mes de decembro. A alcaldesa, Corina Porro, acompañada do concelleiro José Manuel Iglesias, técnicos municipais, e de representantes da empresa que executa as obras e da concesionaria, visitou hoxe a superficie e o interior do aparcadoiro.

<br />

Exposición pública do padrón do IAE

venres, 3 set 2004

Segundo a publicación no Boletín Oficial da Provincia nº 50 de data 1 de setembro de 2004, estará en exposición pública o Padrón do Imposto sobre actividades económicas correspondente ó ano 2004, ata o día 15 de setembro inclusive, na Oficina do Imposto de Actividades Económicas do Concello, a excepción dos sábados que estará en exposición no Rexistro Xeral, en horario de 9 a 13 horas.

<br />

Exposición pública do padrón do IBI

venres, 3 set 2004

Segundo a publicación no Boletín Oficial da Provincia nº 169 de data 1 de setembro de 2004, estará en exposición pública o Padrón do Imposto sobre Bens Inmobles de Natureza Urbana correspondente ó ano 2004, ata o día 15 de setembro inclusive, na Oficina do Imposto sobre Bens Inmobles de Natureza Urbana do Concello, a excepción dos sábados que estará en exposición no Rexistro Xeral, en horario de 9 a 13 horas.