O Bando da Alcaldía lembra que cada vez que unha planta é arrancada, un banco pintado, unha papeleira rota, se está a arrancar, pintar ou rachar o patrimonio de todos os vigueses.A alcaldesa, Corina Porro, solicita a cooperación de todos e todas, para que a cidade sexa o verdadeiro lugar de encontro que queremos as e os cidadás, un espazo común e compartido do que nos sintamos orgullosos.
A comisión de Vía Urbana decidiu unha serie de medidas de traballo conxunto ó respecto da problemática aparellada ao fenómeno do "botellón" e coma resultado das xuntanzas mantidas nos últimos meses.
O IV Campionato Galego Universitario de carreiras de orientación celebrarase o próximo sábado día 17 de abril organizado polo servicio de deportes da Universidade de Vigo en colaboración coa concellería de Deportes.
A Concellería de Participación Cidadá presentou o balance do servicio da atención telefónica 010 que recibiu o ano pasado 108.235 chamadas o que supón un incremento do 6,17 por cento con respecto o anterior balance. Este servicio ofrece respostas ás queixas, suxestións e preguntas formuladas.