As obras de reparación do pavimento da avenida da Florida concluirán hoxe
A Concellería de Vías e Obras investiu 19.687.014 pesetas no asfaltado da avenida da Florida, que se fixo durante as noites para non causar problemas de tráfico nesa zona da cidade. A reparación do pavimento fíxose cunha capa de 5 cm de espesor de aglomerado asfáltico quente.
Na rúa Velázquez Moreno princípianse hoxe os traballos de substitución de calzada e beirarrúas por lousas de pedra. Colocarase mobiliario urbano como postes de fundición, bancos, farolas e protectores de gavias. Ademais, substituiranse os sumidoiros e as tuberías de abastecemento de augas e plantaranse árbores.
A rúa permanecerá pechada ó tráfico durante os dous meses que durarán as obras no tramo de Progreso ata Príncipe. Primeiro levantarase a calzada, logo cambiaranse os colectores e a rede de abastecemento e, por último, colocarase o enlousado das beirarrúas. O presuposto da obra é de 42.379.241 pesetas.
Na rúa Velázquez Moreno princípianse hoxe os traballos de substitución de calzada e beirarrúas por lousas de pedra. Colocarase mobiliario urbano como postes de fundición, bancos, farolas e protectores de gavias. Ademais, substituiranse os sumidoiros e as tuberías de abastecemento de augas e plantaranse árbores.
A rúa permanecerá pechada ó tráfico durante os dous meses que durarán as obras no tramo de Progreso ata Príncipe. Primeiro levantarase a calzada, logo cambiaranse os colectores e a rede de abastecemento e, por último, colocarase o enlousado das beirarrúas. O presuposto da obra é de 42.379.241 pesetas.