A colección Fotográfica do Concello de Vigo exponse no Marco
O Museo de Arte Contemporánea acolle dende hoxe e ata o 14 de marzo a exposición titulada "O Feito Fotográfico" que é un achegamento á actividade fotográfica desenvolvida na cidade de Vigo no período 1984-2000, a través da Fotobienal e das programacións da Sala dos Peiraos (1985-1991) e da Casa das Artes (1991-1992), organizadas polo Concello de Vigo en colaboración co Centro de Estudos Fotográficos, e comisariadas por Manuel Sendón e Xosé Luís Suárez Canal.
A programación dese período, que deu lugar á Colección Fotográfica do Concello de Vigo, tiña varios obxectivos: a recuperación, estudio e difusión da fotografía histórica galega; a dinamización da fotografía contemporánea en Galicia, e a participación no debate da fotografía contemporánea universal.
Estes tres obxectivos están na base desta exposición, coa que se pretende recupera-la memoria histórica e sacar á luz unha excelente colección conformada ó longo dos últimos vinte anos, composta por un total de 1.185 fotografías.
Esta nova exposición é unha escolma das adquisicións realizadas ó longo das Fotobienais e por medio dos programas de Bolsas e Novas creacións, centradas na obra de novos fotógrafos galegos, que reúne un conxunto de 560 obras. Con ela dase por rematada a catalogación da Colección Fotográfica do Concello de Vigo que, xunto co Arquivo Pacheco, se converte nunha das máis importantes de España.
Máis que unha selección, esta exposición formúlase como un achegamento ó xénero da fotografía, tomando como base a evolución da programación de exposicións fotográficas na cidade de Vigo entre 1985 e 1992. Así mesmo estúdianse as consecuencias desta programación expositiva como elemento dinamizador da fotografía en Galicia e a súa repercusión noutras cidades galegas, no traballo dos fotógrafos galegos e na toma de conciencia sobre a importancia da fotografía como un medio de expresión cultural e artístico.
Tal como está concebida a montaxe, as produccións gráficas non ocupan un lugar complementario, senón que se integran dentro da propia exposición, incluíndo, por exemplo, os perto de 80 carteis da Sala dos Peiraos e das Fotobienais, ou a case centeira de catálogos u outros soportes gráficos, como postais, revistas e artigos de prensa.
Os traballos destes fotógrafos de Galicia, de España e do extranxeiro, acompañados das publicacións realizadas e da documentación complementaria, sitúannos fronte ó feito fotográfico e bríndanno-la a oportunidade de revisa-lo noso pasado recente, analiza-lo presente e xerar iniciativas futuras.
Descargar todas as imaxes
Estes tres obxectivos están na base desta exposición, coa que se pretende recupera-la memoria histórica e sacar á luz unha excelente colección conformada ó longo dos últimos vinte anos, composta por un total de 1.185 fotografías.
Esta nova exposición é unha escolma das adquisicións realizadas ó longo das Fotobienais e por medio dos programas de Bolsas e Novas creacións, centradas na obra de novos fotógrafos galegos, que reúne un conxunto de 560 obras. Con ela dase por rematada a catalogación da Colección Fotográfica do Concello de Vigo que, xunto co Arquivo Pacheco, se converte nunha das máis importantes de España.
Máis que unha selección, esta exposición formúlase como un achegamento ó xénero da fotografía, tomando como base a evolución da programación de exposicións fotográficas na cidade de Vigo entre 1985 e 1992. Así mesmo estúdianse as consecuencias desta programación expositiva como elemento dinamizador da fotografía en Galicia e a súa repercusión noutras cidades galegas, no traballo dos fotógrafos galegos e na toma de conciencia sobre a importancia da fotografía como un medio de expresión cultural e artístico.
Tal como está concebida a montaxe, as produccións gráficas non ocupan un lugar complementario, senón que se integran dentro da propia exposición, incluíndo, por exemplo, os perto de 80 carteis da Sala dos Peiraos e das Fotobienais, ou a case centeira de catálogos u outros soportes gráficos, como postais, revistas e artigos de prensa.
Os traballos destes fotógrafos de Galicia, de España e do extranxeiro, acompañados das publicacións realizadas e da documentación complementaria, sitúannos fronte ó feito fotográfico e bríndanno-la a oportunidade de revisa-lo noso pasado recente, analiza-lo presente e xerar iniciativas futuras.