A Gala Lírica 2026 celébrase este domingo 18 de xaneiro
O alcalde convida á cidade a gozar deste evento musical que conta coa colaboración do Goberno local e que ofrecerá “un programa magnífico” da man da Coral de Valadares e o Grupo de Cámara Unión Musical de Valadares.
Este domingo, 18 de xaneiro, o Teatro Afundación acolle a celebración da Gala Lírica 2026 a partir das 19:00 horas, con entrada libre ata completar o aforo.
O programa comprende a actuación da Coral Polifónica do Centro Veciñal e Cultural de Valladares e do Grupo de Cámara da Unión Musical de Valadares. Ao piano estará Alejo Amoedo, a soprano será Indra Sesti dei Lucca e o director Xabier Comesanha Pereira.
Caballero avanzou que será un “concerto magnífico” cun programa que contará con pezas como Galicia- Marcha Triunfal, Casta Diva- Da ópera Norma, O Mio Babbino Caro – Ópera G. Schicchi, A Canción do reiseñor – Dona Francisquita, Ronda dos namorados e Final - La del Soto del Parral, Canción da Pomba – El Barberillo de Lavapiés, Coro de Lagarteranas – El Huésped Sevillano, Los Chicos del Coro e Mamma Mia.