Vigo recibe o Premio Nacional de Comercio Interior pola potenciación de mercados e áreas comerciais
A potenciación do comercio, mercados e áreas comerciais desenvolvida polo goberno municipal vén de ser recoñecida cunha mención honorífica dentro da categoría de municipios.
Vigo recibiu un ano máis un recoñecemento pola súa acción a favor do pequeno e mediano comercio da cidade. O Ministerio de Comercio outorgou ao Concello unha mención honorífica nos Premios Nacionais de Comercio Interior do ano 2023 pola potenciación do comercio, mercados e áreas comerciais. Uns galardóns que Vigo xa vén coleccionando nos anos 2017, 2018 e 2022. “Levamos tempo potenciando o pequeno e mediano comercio, coa nosa actividade en favor do sector que é un dos eixos da cidade”, declarou Abel Caballero
O goberno local vén desenvolvendo campañas en favor do consumo nestes negocios, unha aposta polas novas tecnoloxías, a accesibilidade aos comercios a través do Vigo Vertical e a potenciación da Marca Vigo.
Para o alcalde a Marca Vigo “é moi importante” e fai que millóns de turistas se acheguen á cidade en Nadal, verán, fin de semana, Reconquista e Semana Santa, así como noutras datas sinaladas.