A concelleira María Xosé Porteiro recolle as bandeiras azuis en Santiago
A responsable de Medio Ambiente, María Xosé Porteiro, recolle o venres 20 de xuño as distincións concedidas pola Federación europea de educación ambiental a aqueles concellos nos que se realiza un esforzo especial para o mantemento, limpeza e xestión das súas praias en consonancia co respecto polo contorno.
Nesta edición concedéronselles bandeiras azuis aos areais do Vao, Argazada, Tombo do Gato, A Punta e Canido.
Todas as praias presentan boas condicións para o baño
As últimas análises realizadas polo Laboratorio municipal demostran a boa calidade das augas dos areais vigueses. Cunha temperatura media de 19 graos centígrados, as augas que presentan os mellores resultados son O Vao, Tombo do Gato, Mourisca, Fontaíña e Cocho das Dornas.
Xa se procedeu ao balizado das zonas de baño e á instalación de paneis para a educación ambiental con información das características do areal, liñas de transporte público, teléfonos de interese e recomendacións para os bañistas. Estes paneis conteñen ademais os resultados das últimas análises efectuadas trala mostraxe do 11 de xuño.
Todas as praias son aptas para o baño segundo a directiva 76/160/CEE agás as augas do areal de Mende que obtiveron a cualificación de aceptable debido a que os resultados están entre os valores guía e os valores máximos.
Todas as praias presentan boas condicións para o baño
As últimas análises realizadas polo Laboratorio municipal demostran a boa calidade das augas dos areais vigueses. Cunha temperatura media de 19 graos centígrados, as augas que presentan os mellores resultados son O Vao, Tombo do Gato, Mourisca, Fontaíña e Cocho das Dornas.
Xa se procedeu ao balizado das zonas de baño e á instalación de paneis para a educación ambiental con información das características do areal, liñas de transporte público, teléfonos de interese e recomendacións para os bañistas. Estes paneis conteñen ademais os resultados das últimas análises efectuadas trala mostraxe do 11 de xuño.
Todas as praias son aptas para o baño segundo a directiva 76/160/CEE agás as augas do areal de Mende que obtiveron a cualificación de aceptable debido a que os resultados están entre os valores guía e os valores máximos.