O Concello adxudica o novo macro parque infantil e a pista polideportiva de Navia
O alcalde informou este martes da adxudicación dunha obra que presenta un orzamento de 1,1 millóns de euros. Haberá dúas áreas infantís diferenciadas para menores e maiores de seis anos, unha pista para fútbol sala, baloncesto e balonmán, e un área de descanso con, entre outras cuestións, xogos de mesa.
O goberno vigués adxudicou as obras do novo macro parque infantil, pista polideportiva e área de descanso en Navia. Segundo recordou o alcalde, o Concello reserva ao efecto 1,1 millóns de euros de orzamento.
A área de xogo infantil, segundo explicou Caballero, terá 2.600 metros cadrados e contará con dous parques diferenciados: para menores e para maiores de seis anos. Os menores de seis terán máis de medio centenar de xogos, incluíndo un carrusel xiratorio e un circuíto "Montaña máxica", ambos accesibles para usuarios en cadeiras de rodas.
Para os maiores de seis, o goberno de Vigo prevé outro parque inclusivo cunha mega pirámide dobre de cordas de 13 metros e capacidade para 125 nenos, un gran xogo temático de circuíto, un xogo múltiple en forma de locomotora, un carrusel e unha tirolina dobre.
A pista polideportiva, pola súa banda, suma 1.100 metros cadrados de superficie e permitirá a práctica do fútbol sala, do baloncesto e do balonmán. Presentará ademais un "hall" anexo ao recinto con futbolíns, tenis de mesa ou aparcabicicletas, entre outros.
Por último, o Concello prevé habilitar unha área de descanso -emprazada entre a zona infantil e a pista polideportiva- con bancos e mesas, espazos para xogos como o xadrez ou o parchís, fontes ou cargadores de móbiles.
Recordou Abel Caballero que o goberno que preside ultima a finalización do macro parque infantil de Venezuela e avanzou que en breve comezarán as obras para os novos da Praza de Independencia, Barreiro e Pedro Alvarado. Posteriormente o Concello acometerá macro parques infantís en Bouzas, na rúa Coruña, en Jenaro de la Fuente e en Maruja Mallo.
Coutadas
Xunto ao parque e pista deportiva de Navia, o goberno vigués aprobou o proxecto de humanización dunha nova fase da rúa Coutadas. Abel Caballero explicou que o orzamento supera os 400.000 euros e suporá, ademais da remodelación do vial, resolver os problemas de manobrabilidade actuais para os autobuses escolares dos IES Rosais II e República Oriental de Uruguai.
Ao tratarse dos accesos aos nomeados institutos, a mellora da seguridade viaria e da accesibilidade aos centros é competencia da Xunta de Galicia, valorou o alcalde, mais, ao non facelo, será o Concello quen se encargue. O goberno vigués requiriu do autonómico a cesión de 550 metros cadrados de terreo para poder levar adiante esta humanización.
Candeán
Por último, o Concello aprobou o proxecto de renovación de céspede artificial e instalacións no campo de fútbol de Candeán, como parte do convenio de colaboración asinado coa Deputación de Pontevedra. O investimento roza os 360.000 euros e significará un novo terreo de xogo, novo sistema de alumeado e instalación dunha caldeira de biomasa.
Concello e Deputación acordaron melloras nos campos de fútbol de Navia, Bouzas, Meixoeiro, A Bouza, Sárdoma, A Guía, Comesaña, Monte da Mina e Samil, ademais do nomeado de Candeán.
A área de xogo infantil, segundo explicou Caballero, terá 2.600 metros cadrados e contará con dous parques diferenciados: para menores e para maiores de seis anos. Os menores de seis terán máis de medio centenar de xogos, incluíndo un carrusel xiratorio e un circuíto "Montaña máxica", ambos accesibles para usuarios en cadeiras de rodas.
Para os maiores de seis, o goberno de Vigo prevé outro parque inclusivo cunha mega pirámide dobre de cordas de 13 metros e capacidade para 125 nenos, un gran xogo temático de circuíto, un xogo múltiple en forma de locomotora, un carrusel e unha tirolina dobre.
A pista polideportiva, pola súa banda, suma 1.100 metros cadrados de superficie e permitirá a práctica do fútbol sala, do baloncesto e do balonmán. Presentará ademais un "hall" anexo ao recinto con futbolíns, tenis de mesa ou aparcabicicletas, entre outros.
Por último, o Concello prevé habilitar unha área de descanso -emprazada entre a zona infantil e a pista polideportiva- con bancos e mesas, espazos para xogos como o xadrez ou o parchís, fontes ou cargadores de móbiles.
Recordou Abel Caballero que o goberno que preside ultima a finalización do macro parque infantil de Venezuela e avanzou que en breve comezarán as obras para os novos da Praza de Independencia, Barreiro e Pedro Alvarado. Posteriormente o Concello acometerá macro parques infantís en Bouzas, na rúa Coruña, en Jenaro de la Fuente e en Maruja Mallo.
Coutadas
Xunto ao parque e pista deportiva de Navia, o goberno vigués aprobou o proxecto de humanización dunha nova fase da rúa Coutadas. Abel Caballero explicou que o orzamento supera os 400.000 euros e suporá, ademais da remodelación do vial, resolver os problemas de manobrabilidade actuais para os autobuses escolares dos IES Rosais II e República Oriental de Uruguai.
Ao tratarse dos accesos aos nomeados institutos, a mellora da seguridade viaria e da accesibilidade aos centros é competencia da Xunta de Galicia, valorou o alcalde, mais, ao non facelo, será o Concello quen se encargue. O goberno vigués requiriu do autonómico a cesión de 550 metros cadrados de terreo para poder levar adiante esta humanización.
Candeán
Por último, o Concello aprobou o proxecto de renovación de céspede artificial e instalacións no campo de fútbol de Candeán, como parte do convenio de colaboración asinado coa Deputación de Pontevedra. O investimento roza os 360.000 euros e significará un novo terreo de xogo, novo sistema de alumeado e instalación dunha caldeira de biomasa.
Concello e Deputación acordaron melloras nos campos de fútbol de Navia, Bouzas, Meixoeiro, A Bouza, Sárdoma, A Guía, Comesaña, Monte da Mina e Samil, ademais do nomeado de Candeán.